4
LIAUW TJAY.
Song Kong poenja iboe lagi doedoek bersenang di satoe krosi dalem roemahnja ia lantas tidoer poeles mendjadi mati, tempo Tjo Song Kong liat iboenja soedah mati lantas Tjo Song Kong koeboer itoe mait iboenja di tempat pekoeboeran dengan baek.
Sasoedanja ia koeboer iboenja poenja mait, lantas Tjo Song Kong pergi mandi dan toekar pake pakean jang baroe. sasoedanja Tjo Song Kong pake-pake lantas ia adjak istrinja poelang di roemah mertoewanja, tempo Tjo Song Kong soedah sampe di roemah mertoewanja, lantas ia pesen istrinja soeroe tinggal di roemah bapanja, sasoedanja Tjo Song Kong pesen dia poenja istri, lantas ia masoek di dalem kamar jang mana di sitoe ia lantas tidoer mendjadi mati.
Tempo bininja liat jang Tjo Song Kong soedah mati, lantas la kasi tahoe sama dia poenja orang toewa, begitoe djoega mertoewanja Tjo Song Kong lantas prentah maitnja Tjo Song Kong di soeroe koeboer.
Tjerita aloesnja Tjo Song Kong melajang ka sorga di sana ia ketemoe pada melekat-melekat, begitoe djoega itoe melekat-melekat lantas samboet dengan hormat pada aloesnja Tjo Song Kong itoe, sasoedanja itoe melekat-melekat lantas trimain soerat prentah dari Toehan Allah aken di angkat Tjo Song Kong djadi melekat Seng Ong ada di dalem kota pintoe Saij Moei poenja gredja, sasoedanja Tjo Song Kong trima itoe soerat prentah dari Toehan Allah, lantas Tjo Song Kong poenja aloes berangkat melajang masoek di dalem gredja pintoe Saij Moeij, serta Tjo Song Kong poenja aloes soedah sampe di dalem itoe gredja, lantas Thio Seng poenja aloes membri hormat padanja dan apa djoega boekoe-boekoe preksahan di dalem doenia poenja manoesia samoeanja Thio Seng poenja aloes serahin pada Tjo Song Kong poenja aloes sasoedanja Tjo Song Kong trima itoe pangkat kadoedoekan djadi Seng Ong, lantas aloesnja Thio Seng melajang poelang ka sorga.
Tjerita anak negri di dalem itoe kota banjak djoega jang dateng meniat menanja pada itoe Toapekong meagambil tjiamsie, apa djoega itoe anak negri meniat itoe melekat Seng Ong bilang dengan sabetoel-betoelnja tiada ada sala barang seramboet dari perniatannja manoesia di dalem itoe kota, hingga anak negri di sitoe samoeanja mendjadi kaget, kerna apa jang dia poenja perniatan samoeanja troes tisida ada jang sala, djadi samoeanja anak negri sanget bersoedjoet di dalem itoe gredja Seng Ong sampe tersiar dia poenja keangkeran di koeliling tempat, maka di njataken orang di dalem doenia misti berhati baek, miskin di doenia kaja di acherat, soesa di doenia senang di acherat, maka kaloe di liat Tjo Song Kong poenja aloes Toehan Allah soedah koerniaken djadi Seng Ong, manoesia djoega tiada jang tahoe.
