LIAUW TJAY.
49
paginja Tan Sie lantas kasi tahoe sama soewaminja poenja ade Hong Djie Long, dan hal ketjilakahan soewaminja. Serta Hong Djie Long dapet tahoe lantas la pergi ka geredja Tjeng Tee Bio boeat kasi tahoe pada itoe Saij Kong.
Tjerita di geredja Tjeng Tee Bio itoe Saij Kong lagi doedoek di dalem itoe geredja, serta Hong Djie Long dateng itoe Saij Kong soedah dapet tahoe, jang itoe Hong Seng Kong Tjoe soedah kena dl keniaja sama itoe siloeman Leng Kwie, lantas itoe Saij Kong mendjadi mara troes ia ikoet Hong Djie Long pergi di roemahnja Hong Seng Kong Iioe. basoedahnja itoe Saij Kong bersama Hong Djie Long sampe di itoe roemah, lantas itoe Saij Kong menanja: Itoe roemah jang di seblah kidoel, siapa jang poenja roemah?
Lantas Hong Djie Long berkata: Itoe roemah saja jang tinggalin.
Itoe Saij Kong lantas berkata: Kong Tjoe tinggal di itoe roemah apa bada koerang satoe apa? Dan apa Kong Tjoe seiing boeat preksa di dalem itoe roemah poenja kamar-kamar? Selagi itoe Saij Kong bitjara sama Hong Djie Long belon poetoes, lantas ada satoe boedak toewa berkata; Saja di waktoe pergi di geredja Tjeng Tee Bio, serta saja poelang di saja poenja tempat tinggal ada satoe prampoean toewa dateng minta menginep, djadi saja poenja bini kasi itoe orang brenti di roemah saja, maka itoe orang masi ada sampe sekarang ini.
Lantas itoe Saij Kong berkata: Ia itoe orang dialah asal siloeman jang kami maoe tjari. Sasoedahnja itoe Saij Kong abis bitjara, lantas la bawa sendjata pedangnja mendatengin di roemahnja itoe boedak, Kong ketemoe sama itoe prampoean toewa lantas itoe Saij Kong berkata: Angkau satoe siloeman jang soedah brani bikin roesak kami poenja keboetan, djoega angkau brani dateng lagi di sini dengan angkau soedah keniaja djiwanja Hong Seng Kong Tjoe.
Serta itoe prampoean toewa dengar, ia djadi ketakoetan maoe Jari kloear tiada ada pintoe, begitoe djoega itoe Saij Kong memboeroe padanja, dan serta itoe Saij Kong kena pegang itoe prampoean toewa lantas itoe Saij Kong poekoel itoe prampoewan toewa hingga ia djatoh di tanah jang mana ia lantas lolosken dirinja dari koelit manoesia. mendjadi siloeman Leng Kwie tidoer di tanah seperti sa-ekor babi; lantas itoe Saij Kong tabas itoe siloeman poenja kepala, sasoedahnja poetoes dia poenja kepala lantas badannja mendjadi awan item bergoeloeng-goeloeng di tanah. Tempo itoe Saij Kong lihat itoe awan bergoeloeng-goeloeng, lantas itoe Saij Kong rogo dia poenja djimat Ho Lo dan la toetoep itoe awan item samoewanja dengan itoe Ho Lo sampe itoe awan item habis samoewanja masoek di dalem itoe Ho Lo sasoedahnja itoe Saij Kong masoekin itoe djimat Ho Lo di dalem kantongnja, maka klihatan di tanah tjoema ada koelit manoesia sadia begitoe djoega itoe Saij Kong goeloeng itoe koelit manoesia masoekin UI dalem dia poenja kantong. Sasoedahnja itoe, maka itoe Saij Kon^ maoe berangkat poelang di geredja Tjeng Tee Bio, tempo itoe Saij Kong maoe berangkat djalan poelang. lantas Tan Sie berloetoet di depannja
