Liauw Tjay.
317
Lantas Lie Tian Tjo sahoetin berkata: bekaoel begitoe ada brapa soesanja, djika kau bilang akoe bapa anak bisa ketemoe kombali jang betoel bole di boeat heran, itoe Tosoe berkata lagi: perkara Sin Beng dimana orang bisa doega, kau betoel ada soenggoe hati maoe taroh kaoel jang besar bole toelis lah di dalem ini boekoe kau nanti bole liat datangnja begimana, kapan tiada betoel kau tiada oesa bajar itoe kaoel.
Lie Tian Tjo berkata: bae lah kaloe begitoe, kau bole ambil sadja itoe boekoe nanti akoe toelis. Lantas itoe Tosoe sigra pergi ambil itoe boekoe sama pit bakhi, bawa datang kasi sama Lie Tian Tjo, maka Lie Tian Tjo lantas berkata: djika bilang bapa anak bisa ketemoe kombali betoel akoe tiada harep, djika soenggoe ini Toapekkong ada poenja moestadjeb, bisa boeat toendjoekin akoe poenja anak poenja tempat toelang maitnja, sampe akoe bole dapet bawa poelang pergi tanem, itoe ada brapa soekoer sekali jang Toapekkong poenja kesian, dan akoe lantas bajar kaoel habisin ini 300 tahil mas, boeat bantoe bikin betoel ini bio sehabis lantas djoempoet itoe pit, toelis masoekin dia poenja nama di dalem boekoe, dan pergi sodja ampat kali di hadepan Toapek kong meniat akan taroh itoe kaoel, komedian itoe Tosoe tengok begitoe jang Lie Tian Tjo soedah toelis dalem hatinja mendjadi girang sekali lantas adjakin Lie Tiau Tjo masoek di dalem kamar sedoein thee wangi hormatin adjak dia minoem, kapan maoe taoe jang soedah Lie Tjoen Eng datang lebi doeloe di dalem ini bio dia poenja praoe jang baroe berangkat pergi lantas Lie Tian Tjo poenja praoe sampe, kerna sebab soedah maoe sore, dan Lie Tian Tjo minoem satoe mangkok thee, lantas dia toeroen ka praoenja berangkat pergi belajar.
Itoe waktoe di tjitgwee boentoet boelan, memang kaloe djam poekoel 5 pagi hawanja boelan poenja sinar masi trang, itoe tempo dia poenja djoeragan praoe sangkanin soedah siang, dan lagi dia tengok itoe angin ombak soedah pada sirep, dari itoe Lie Tian Tjo poenja praoe menoedjoe djalan disebla Lam, dan Lie Tjoen Eng poenja praoe menoedjoe djalan di sebla Pak djadi itoe doea doea praoe djalan ada bebarang, djalan belon ada satengah pal poenja djaoe, lantas toeroen satoe angin jang besar, serta datang satoe koempoelan awan itam toetoep di depan moeka, dan sampe orang tiada bisa liat satoe apa, itoe doea doeanja djoeragan praoe pada bingoeng, berkaok katanja roesak lah ini sekali, dia poenja gelagat tiada bae, Lie Tian Tjo dengar begitoe lantas sadja bangoen pake badjoe pergi di kepala praoe tengok itoe soongei gelap petang tiada keliatan di 4 pendjoeroe, itoe djoeragan praoe lantas toeroenin dia poenja lajar maea dajoeng sadja, bole di bilang soenggoe betoel ini Toapekkong ada moestadjeb, dan bole ini praoe kepala sama kepala bole saling bentoer masing masing ini toekang praoe pada riboet berkaok dan Lie Tian Tjo sama Lie Tjoen Eng diatas praoe lagi mengawasin di soengie poenja ombak dia dosa orang sama djoega kaja ada orang djorokin di soengei djatoh ketjeboer, bole bilang heran sakali ini 2 orang bole ketjeboer di aer, angin dan ombak lantas brenti, awan itam boebar lantas boelan mendjadi trang kombali, tetapi Lie Tian Tjo sama Lie Tjoen Eng ada
