Liauw Tjay.
289
42
HAL KEDJAHATANNJA SOEATOE HWESIO, SERTA MENGANIA IJA PADA
SATOE SIOETJAIJ BERNAMA TENG DJIT TIONG, LANTARAN
HWESIO ITOE ADA BIRAHI PADA ISTRINJA SIOETJAIJ
ITOE NAMA THIO SIE.
Tjerita di kota Koei Tjioe bilangan Thio Hoan Hoe, adalah soeatoe sioetjaij bernama Teng Djit Tiong, maka sioetjaij itoe soeka sekali aken pegi di gredja An Hok Sie, boeat membatja kitab pada hwesio nama Seng Hoei dengen bersoedjoed pagi dan sore.
Pada soeatoe hari, maka hwesio Seng Hoei itoe, ada pegi di roemahnja Teng Djit Tiong, di itoe waktoe kebetoelan Teng Djit Tiong tiada ada di roemah, melaenken ada istrinja nama Thio Sie sadja, jang memang Thio Sie ada mendenger, bahoea soewaminja itoe soeka berladjar kitab pada hwesio Seng Hoei jang terseboet; kemodian Thio Sie laloe ketemoei pada hwesio itoe, dengen membilang ini hari, saija ampoenja soewami tiada ada di roemah, entah kamana peginja, saija koerang preksa.
Setelah hwesio itoe, mendenger demikian, laloe mengangkat moekanja serta meliat Thio Sie ampoenja romah, amat eilok parasnja, hingga mendjadi soeka hati; itoe koetika, hwesio itoe mendjadi timboel birahinja antara istri dari Teng Djit Tiong, maka apa bole boeat hwesio itoe berdjalan poelang dimana gredjanja kombali.
Itoe satoe hari, apabila Teng Djit Tiong poelang dalem roemahnja, maka istrinja itoe laloe membri taoe: jang hwesio Seng Hoei itoe, ada dateng tjari padanja.
Begitoe djoega, Teng Djit Tiong laloe brangkat djalan, boeat ketemoeken pada hwesio itoe, apabila Teng Djit Tiong soeda tinggal didalem gredja An Hok Sie kira kira setengah boelan lamanja; maka hwesio Seng Hoei ampoenja ingatan itoe, soeda bebalik mendjadi djahat, serta hendak menganiaija pada Teng Djit Tiong jang terseboet.
Kemodian hwesio itoe, laloe memerenta pada kadoewa saijkong aken membawa djoli di roemahuja Teng Djit Tiong boeat memanggil kapada istrinja Teng Djit Tiong ia itoe Thio Sie.
Itoe waktoe, maka kadoewa saijkong itoe laloe membri taoe pada Thio Sie, jang soewaminja itoe ada mendapet sakit keras didalem gredja; maka hwesio Seng Hoei itoe ada memarenta pada saija, boeat mengasi taoe pada nona disini.
Sasoedanja Thio Sie mendenger begitoe, hingga mendjadi kagetnja, lantes menaek djoli, teroes brangkat pegi di gredja An Hok Sie; itoe waktoe, kebetoelan soeda sore, maka toekang djoli laloe membawa pada Thio Sie di kamarnja hwesio, tempat jang sepi. Didalem kamarnja hwesio itoe, soeda sedia barang makanan dan minoeman, serta Thio Sie toeroen dari djoli, maka hwesio itoe laloe mengadjak berdoedoek di medja makan padanja; kemodian Thio Sie lantes menanja: saija ampoenja soewami, ada di kamar mana, kernanja saija maoe pegi liat, dia poenja sakit.
Maka hwesio Seng Hoei lantes berkata: nona ampoenja soewami,
