Liauw Tjay.
25
pada Ie Kong, serta Ie Kong abisin dia poenja tenaga kekosenan sabet sama pedang pada itoe setan hingga itoe setan lantas djatoh di tanah.
Serta Ie Kong ambil lilin aoeloeken itoe setan jang djatoh di tanah, tetapi kedapetan boekannja setan hanja satoe anak-anakan djoega dari perboeatannja itoe senseh pokhoa jang bikin dengan dia poenja ilmoe boeat djoestain pada manoesia di doenia menoetoep manoesia poenja mata. Itoe ilmoe kaloe maoe di bikin poena misti sirem sama dara andjing, maka le Kong lantas potong andjing dan ambil daranja jang mana lantas itoe dara andjing di siremin selebar roemahnja maka itoe senseh poenja ilmoe djoega mendjadi poena, maka di blakang hari itoe senseh dapet hoekoeman djalan melarat serta kadoea matanja mendjadi boeta dan saban hari ia djalan minta, minta di koeliling kampoeng, ini dari sebab itoe kerna itoe senseh soeka mendjoestain orang poenja oewang, djikaloe orang tiada kasi oerang padanja lantas ia kloearin dia poenja ilmoe boeat mengganggoe pada itoe orang. Maka di kasi inget pada orang samoeanja djikaloe maoe beladjar ilmoe melihatin, djangan soeka djoestain orang poenja oewang, tetapi apa jang terseboet di dalem itoe kitab poenja tjerita ia misti kasi mengarti deugen sebetoelnja pada itoe orang jang soeroe melihatin, djikaloe di tjeritain meliwatin dari mengartinja itoe kitab, maka itoe orang jang djadi senseh bole dapet hoekoeman mata boeta djalan koeliling minta-minta, ia itoe lebi doeloe di kasi toendjoek pada orang di dalem doenia djikaloe orang soeka bikin djoesta pada sesamanja manoesia di doenia.
X
TJERITA JAP SENG SOEDAH MÂ.TI HIDOEP KOEMBALI,
KAMOEDIAN IA D.iPET PANGKAT DJADI
PENG PO SIANG SIE.
Di dalem kota Hoaij Jang ada saorang bernama Jap Seng dia poenja kapinteran terlaloe amat banjak dari segala soerat-soerat. Tetapi soedah bebrapa kali ia pergi exsamen tiada bisa dapet pangkat.
Sekalian orang pendoedoek kota Hoaij Jang lihat Jap Seng poenja kepinteran mendjadi amat heran, maka marika itoe masing-masing soeka menoeloeng ongkos pada Jap Seng soepaia Jap Seng boleh djadi orang berpangkat. Jap Seng trima sobatnja poenja pertoeloengan mendjadi soeka hatinja, maka Jap Seng menoenggoe sampe begitoe lama belon djoega ia bisa dapet pangkat, oleh sebab itoe Jap Seng boeat pikiran mendjadi maloe, dengan pikiran begitoe sampe Jap Seng djatoh sakit dan ia poelang ka roemahnja.
