Liauw Tjay.
279
itoe oedjan dan gloedoek, itoe binatang begitoe djoega masoek di kamarnja tiada keliatan, dan lantas dia menanja sama itoe orang, kapan Giok Tee persenin akoe anak, kenapa ini satoe binatang di bawa datang kesini.
Itoe orang lantas ketawa berkata, kau belon dapet taoe ini di goenoeng Ngo Tjie San poenja binatang, dia poenja tebiat ada bae sekali dengan lempang hatinja, dan dia di atas goenoeng soedah bertapa toedjoe ratoes taoen lebi, dia poenja toelisan misti di poekoel gloedoek, sebab itoe dia datang semboeni di kau poenja roema kamar Sie Am, kerna angkau sa-orang jang bae akan soeka boeat amalin sama orang, ibelis melaikat semoea ada taro hormat sama kau sebab itoe gloedoek dan gledek tiada brani boeat deket sama kau maka itoe dia lantas pergi rapport di atas langit, sebab ada kau djadi ini binatang zonder di poekoel gledek, djadi itoe di atas langit kasi parenta, bawa ini binatang boeat mendjelema sama kau lebi doeloe, dan sampe di blakang kali dia nanti bole dapet poedjian, dia poelang kombali djadi melaikat, Giok Tee kesianin iang kau poenja perdjalanan bae, kau di blakang kali bole dapet moeka terang sama anak balas iang kau poenja kebaikan.
Maka abis dia bilang lantas bersoeara seperti goentoer, dari sitoe Hajj Giok Eng bangoen djadi mendoesin, lantas dapet ingetan dari ini lamatan, dia poenja boedak Liauw Wan lantas dateng lapoer bilang iang dia poenja njonja soedah branak satoe Siauw Siang Kong.
Haij Giok Eng itoe mendengar djadi soeka ati dan ingat iang troes dia poenja lamatannja, sigra pergi masoek di kamar tengok itoe anak soedah dipotong poesernja serta di bedong, lantas Haij Giok Eng itoe ambil lilin akan soeloein, tengok soengoe dia poenja alis serta matanja ada tjeli sekali, maka dalem hatinja itoe poenja kata ini anak kaloe besar iang tentoe ada pinter mengarti soerat dan lantas pesenin sama dia poenja boedak-boedak soeroe djaga istrinja bae-bae sampe itoe anak tiga hari lantas di kasi nama Haij Soeij.
Maka begitoe dengan begitoe anaknja oemoer satoe boelan, dan oendang koempoelin dia poenja sanak berebet akan boeka medja bikin pesta.
Haij Giok Eng itoe sebabnja dia soedah dapet anak, maka segala perkara tiada maoe di ingat, melainkan adjak maen dia poenja anak bikin plesir, dia isang-isang akan pergi melantjong di goenoeng pereksa Sin Keng begitoe dengen begitoe ini anaknja soedah oemoer toedjoe dlapan taoen, dia masi sebegitoe poenja oemoer, dengan adat tingka lakoe seperti orang toea-toea, serta ia tjiuta sekali oehauw sama mah bapa tambahan hatinja terang lampang tiada maoe sembarangnja ambil makanan atau barang-barang, sering-sering tama tetanganja poenja anak dia sama-sama memaen kaloe dia makan barang dia tiada maoe laen orang poenja barang di kasi, kaloe belon bapanja bagi soeroe dia makan dia tiada maoe ambil Haij Giok Eng itoe tengok anaknja lantas adjarin dia sekola dia liat lantas bisa batja ingat tiada loepa. Haij Soeij itoe bladjar soedah tiga taoen poenja lama, dari segala soeker dia soedah dapet mengarti, dengan pandee Tjosi atau bikin Boen Tjhio, dan oemoernja kira-kira sampe 10 taoen, itoe soeatoe taoen bapanja dapet sakit lantas meninggal doenia, Haij Soeij itoe sedi menangis sampe ia maoe poetoes djiwa.
Maka dia poenja iboe djoega menangis sampe ia tiada bisa soedah, Haij Soeij itoe inget dia poenja bapa soedah meninggal, iang dia djadi anak belon bisa bales boedi bapanja, dari itoe dia berdiri-in satoe goeboek dimana samping koeboerau bapanja, dia poenja iboe tjega hoedjoek tiada maoe kasi serta membilang, tetapi angkau iang betoel ada tjinta dan oehauw sama mah bapa, tjoema selempang di ini loear beboelakan tiada ada orang iang tinggal, kaloe kau ada apa-apa akoe djadi mah nanti begimana, boekan terlebi kau mendjadi tiada tjinta, sebab tiada maoe dengar iang dari akoe poenja pengomongan.
Haij Soeij dengar dia poenja iboe bilang begitoe, dia djadi soesah sadja menoeroet apa dia poenja iboe, melainken dia dalem roemanja mendjaga siang dan malem membatja soerat, kendati ada apa djorga dia tiada maoe berenti boeat pergi keloear liat, dan abis dia lepas poeti itoe tempo oemoernja soedah tiga blas
