254
Liauw Tjay.
Keiser dan di waktoe itoe Pwe Tjeng djoega dapet pangkat di kota radja sampe semoeanja dengan slamat mendjadi senang di dalem pangkatnja jang besar itoe ada di kota radja.
3
TJERITA LIE POK SAORANG JANG INGIN KEKAJAHAN DI DALEM DOENIA, HINGGA MENDJADI MATI.
Alkaisah terseboet lah saorang soedagar bernama Thio Taij Tjiauw tinggal di kota Tong Keng, ada poen Thio Taij Tjiauw itoe berdagang dengan sekiranja mengambil oentoeng dari mendjoeal barangnja dan lagi ia bisa simpen separo dari oewang keoentoengannja.
Maka tiada brapa lamanja Thio Taij Tjiauw berdagang itoe ia dapet oentoeng besar hingga ia djadi saorang jang beharta oewang, sampe orang kampoeng di bilangan kota Tong Keng itoe bahasaken panggil Thio Pe Ban.
Di dalem kota itoe adalah saorang bernama Lie Pok tetangganja Thio Taij Tjiauw, ada poen Lie Pok itoe saorang jang pinter dan serta pande bitjara, akan tetapi Lie Pok poenja peroentoengan begitoe ia dapet oentoeng oewang, begitoe ia pake bakal ongkos di dalem dia poenja roemah tangga. Tempo Lie Pok lihat Thio Taij ijiauw saorang jang bodo pinter berharta oewang, hingga Lie Pok mendjadi heran jang Thio Taij Tjiauw bisa djadi orang hartawan, Lie Pok poenja hati ingin sekali dengan kekajahan itoe seperti jang di dapetin oleh Thio Taij Tjiauw itoe.
Maski poen Lie Pok itoe saorang jang pinter pande mentjari keoentoengan berlipet-lipet jang di boeat dengan tipoe dari dagangannja, akan tetapi ia poenja redjeki begitoe dateng begitoe pergi, kerna Lie Pok memake ongkos terlaloe boros, djikaloe Lie Pok ada poenja simpenan sedikit oewang maka di dalem roemahnja ada lah timboel segala perkara jang mana ia misti pake itoe oewang jang ia simpen dan djikaloe Lie Pok tiada maoe pake itoe oewang. Lie Pok sendiri tiada, bisa oentoeng oewang koembali, djikaloe Lie Pok paka itoe oewang sampe habis baroe lah ia bisa dapet oentoeng koembali.
Peristiwa itoe satoe hari Lie Pok dateng di roemahnja Thio Taij Ijiauw, di mana ia lantas ketemoe pada Thio Taij Tjiauw dan Lie Pok menanja pada Thio Taij Tjiauw itoe: Tjara begimana jang Thio Wan Gwee bisa simpen itoe oewang sampe bisa djadi saorang jang kaja besar. Kerna tempo Thio Wan Gwee masi moeda dan saja djoega masi moeda, Thio Wan Gwee tiada sebrapa pinter oentoeng oewang kaloe saja lihat Thio Wan Gwee poenja kepinteran mentjari oewang, mengapa ini hari Thio Wan Gwee bisa djadi saorang hartawan.
Lantas Thio Taij Tjiauw berkata: Djikaloe sobat maoe tahoe jang saja bisa djadi orang kaja besar, kerna saja ada soedjoet pada
