246
Liauw Tjay.
Lantas iboenja berkata: Djikaloe kaoe poenja tia-tia tiada maoe toeroet begimana?
Begitoe djoega Lauw Hoei Nio dengar itoe perkatahan, lantasia berloetoet dan pelok kaki iboenja sembari menangis tiada bisa soedah, tatkala itoe Tang Sie lihat anaknja ia djadi kesian sembari berpikir slempang Lauw Hoei Nio nanti gantoeng dirinja, dari sebab itoe lantas Tang Sie berkata lagi: Kaoe traoesa boeat koeatir bati nanti kami mengatoer tipoe boeat boedjoek kaoe poenja tia-tia.
Setelah Lauw Hoei Nio dengar begitoe lantas ia masoek di dalem pangkengnja sembari menangis.
Sjahadan terseboetlah tjerita Lauw Peng Gie dari loear troes masoek di dalem rcemahnja serta ia sampe di deketnja satoe pang- keng ia dapet dengar ada soeara orang menangis, demikian djoega Lauw Peng Gie menanja pada dia poenja istri Itoe di dalem pangkeng mengapa Lauw Hoei Nio menangis?
Begitoe djoega Tang Sie kasi tahoe dari Lauw Hoei Nio poenja perkara satoe persatoe, serta Lauw Peng Gie dengar ia poen tiada bisa bitjara satoe apa sembari berpikir. Begitoe djoega istrinja mendjadi mara sembari berkata: Samoeanja Siang Kong poenja maoe maka Lauw Hoei Nio sampe dapet itoe perkara resia di dalem dia poenja badan mendjadi roesak, itoe waktoe Lauw Pok dapet sakit keras, saja soeroe toenggoe sampe Lauw Pok poenja sakit djadi baek Siang Kong tiada maoe toeroet, tapi Siang Kong paksa maoe bikin Lauw Pok poenja hari kawin itoe hari djoega, maka ini hari kena Soen Khoaij Hoe toekar dia poenja anak lelaki menjaroe djadi anak prampoean dengan berpake-pakean penganten prampoean dateng di sini, djoega Siang Kong prentah Lauw Hoei Nio soeroe temanin di dalem pangkeng, tiada doega itoe penganten saorang lelaki menjaroe djadi prampoean dari itoe Lauw Hoei Nio kena di ganggoe oleh Soen Hian, sekarang Soen Hian soedah lari poelang ka roemahnja.
Setelah Lauw Peng Gie dengar mendjadi mara sembari berkata: Kaloe begitoe Soen Khoaij Hoe bikin djoesta pada kita. Sasoedahnja Lauw Peng Gie habis berkata begitoe, lantas ia djambak ramboetnja Lauw Hoei Nio serta ia poekoel Lauw Hoei Nio itoe sampe stengah mati, hingga orang-orang jang di dalem roemahnja tiada bisa toeloengin, pada ketika itoe ada satoe boedak prampoean troes lari masoek di dalem pangkengnja Lauw Pok boaat kasi tahoe itoe perkara, serta Lauw Pok dapet tahoe lantas ia toeroen dari atas randjangnja pergi di pangkengnja Lauw Hoei Nio, serta Lauw Peng Gie dan istrinja lihat Lauw Pok dateng, ia mendjadi kaget sembari menanja: Mengapa anak baroe baekan boeroe-boeroe dateng di sini ada perkara apa?
Demikian djoega Lauw Pok pegang bapanja poenja tangan ia adjak kloear sembari boedjoek hati bapanja, sasoedahnja Lauw Peng Gie dengar anaknja poenja perkatahan, dia poenja mara baroe bisa
