Liauw Tjay.
183
maka Kong Tjoe Lauw Tian Joe dapet pangkat cljadi ïjong Goan dan Kong Tjoe Lauw Tian Sek dapet pangkat djadi Tjin Soe, serta Lauw Goan Tjin lihat dia poenja doea anak masing-masing soedak dapet pangkat djadi orang besar hingga Lauw Goan Tjin mendjadi amat soeka hatinja.
Telah sampe bebrapa tahon lamanja Lauw Tian Joe dan Lauw Tian Sek masing-masing dapet anak laki-laki.
Peristiwa itoe satoe tahon Lauw Goan Tjin poenja oemoer soedah seratoes tahon, maka pada soeatoe malern Lauw Goan Tjin ketemoe satoe melekat Seng Ong jang lantas kasi tahoe pada Lauw Goan Tjin, jang Toehan Allah panggil poelang ka sorga. Serta sampe besok paginja Lauw Goan Tjin mendoesin lantas ia bangoen sasoedahnja Lauw Goan Tjin lantas mandi dengan keramas membresiken badannja dan ia pake badjoe baroe, serta Ong Hoe Djin lihat rnendjadi kaget, kerna dia djoega di soeroe mandi dan keramas serta toekar pakean jang baroe,- sasoedahnja lantas Lauw Goan Tjin doedoek di krosi bersama sama Ong Hoe Djin dengan bersoeka-soeka hati, semantara itoe Lie Gan Tjeng bersama Thio Sie, Lauw Tian Joe dan Lauw Tian Sek serta anak bininja membri hormat pada Lauw Goan Tjin dan Ong Hoe Djin, serta Lauw Goan Tjin lihat dia poenja anak tjoetjoe begitoe banjak mendjadi soeka hati troes ia tertawa dan mendjadi mati di dalem oemoer seratoes tahon.
Serta Ong Hoe Djin lihat Lauw Goan jin soedah mati, troes ia menangis mendjadi mati di dalem oemoer dlapan poeloe tahon, serta Lauw Tian Joe bersama Lauw Tian Sek dan Lie Gan Tjeng liat mendjadi kaget lantas masing-masing menangis dengan amat sedinja, sasoedahnja lantas djinazatnja Lauw Goan Tjin dan Ong Hoe Djin di masoeken di dalem karanda dan lantas di koeboer.
Sasoedahnja selesih mengoeboerken djinasat itoe, maka masingmasing lantas poelang di roemahnja.
Hata sampe anem tahon lamanja Lauw Tian Joe dapet pangkat djadi Eng Po Siang Sie dan Lauw Tian Sek dapet pangkat djadi Gie Soe Taij Hoe, maka Lauw Goan Tjin poenja toeroenan ada di kota radja toeroen menoeroen tiada poetoesnja djadi orang berpangkat, dari itoe Toehan Allah menerangken sa-orang jang banjak meiaboeat kebadjikan di dalem doenia soeka membri derma pada orang jang soesah, maka anak tjoetjoenja mendjadi senang di dalem doenia selama-lamanja.
___________
XXXIII
TJERITA JAUW TONG SA-ORANG JANG BERBOEDI
DAEI TIGA TOEROENAN
Bahoewa ini lah di tjeritaken sa orang hartawan di kota Tang Kiah, bernama Jauw Tong, maka Jauw Tong itoe soedah tiga toeroenan memboeat kebadjikan serta soeka membri derma dengan boedi
