180
LIAUW TJAY.
pangkat mendjadi Tjong Goan, angkaoe poenja inko ada kirimin satoe kembang Kiong Hoa boeat kasi pada angkaoe, soepaja anak di blkaang hari bisa toeroet kepinteran seperti anak poenja inko Lie Gau Tjeng. Demikian djoega Kong ïjoe Lauw Tian Joe trima itoe kembang lantas ia tantjep di kopianja trees ia lari masoek ka dalem ketemoeken pada iboenja. Maka orang-orang jang di dalem itoe roemah tempo marika itoe lihat Kong ïjoe Lauw Tian Joe, masing-masing djadi soeka hali. Lantas Lauw Goan Tjin toelis sekeping soerat akan membri slamat pada Lie Gan Tjeng, sasoedahnja Lauw Goan Tjin habis toelis soerat itoe lantas ia serahken sama itoe orang di soeroe bawa ka kota radja, lantas itoe orang berangkat pergi ka kota rauja.
Sasoedahnja itoe orang berangkat pergi, lantas Lauw Goan Ijin bersama Ong Hoe Djin pergi di kamarnja Tiauw In, serta Lauw Goan Tjin dan Ong Hoe Djin lihat itoe anak lelaki, mendjadi soeka hati dan itoe anak di kasi nama Lauw Tian Sek alias Bong Hoe.
Sedari itoe waktoe, saban hari Lauw Goan Tjin prentah dia poenja boedak preksa djalanan ataoe djembatan di bilangan kota Lok Jang, djikaloe ada djalanan jang roesak ataoe djembatan roesak di soeroe bikin betoel dengan ongkosnja Lauw Goan Tjin dan djoega saban tahon Lauw Goan Tjin kloearken ongkos akan bikin betoel dan bresiken koeboerannja Pwe Tie Kwan dan Lie Tie Hoe, serta di sembahajangken sampe bebrapa tahon lamanja.
Tempo Kong Tjoe Laaw Tian Joe dan Kong Tjoe Lauw Tian Sek soedah besar, Lauw Goan Tjin panggil satoe senseli boeat adjar soerat-soerat nabi Kong Tjoe.
Maka terseboetlah tjerita Lie Gan Tjeng dapet pangkat Tjong Goan ada di kota radja, itoe toeloengan dari The Kie Bit bersama istrinja Goei Sie, djoega The Kie Bit ada poenja satoe anak prampoean bernama Koan Sio Tjiah, sampe Lie Gan Tjeng dapet pangkat Tjong Goan djoega The Kie Bit amat tjinta pada Lie Gan Tjeng itoe. Sampe sepoeloe tahon lamanja Lie Gan Tjeng tinggal di kota radja, Srie Baginda Keiser Song Djin Tjong wafat (meninggal doenia) maka Taij Tjoe (poetra makota) Song Djin Tjong jang mengantiken doedoek tachtah keradjahan djadi Keiser, itoe waktoe Srie Baginda Keiser Song Djin Tjong terlaloe amat tjintanja pada Lie Gan Tjeng maka Baginda Keiser kasi pangkat pada Lie Gan Tjeng rljadi Lee Po Siang Sie, serta Lie Gan Tjeng trima itoe pangkat membri trima kasi ia kasi tahoe dari 2'erkaranja Lauw Goan Tjin jang soedah menoeloeng padauja. Dari itoe Srie Baginda Keiser Song Djin Tjong membri idzin jang Lie Gan Tjeng boleh poelang dhoeloe boeat ketemoe pada Lauw Goan. Tjin dan sekalian Baginda Keiser kasi pangkat Lauw Goan Tjin tambah lebih besar pangkat preman. Serta Lie Gan Tjeng trima titahnja Baginda Keiser, lantas Lie Gan Tjeng adjak Thio Sie bersama Lan Soen Sio Tjiah dan Hor g Beng Sio Tjiah pergi di roemanja The Kie Bit, di mana ia kasi tahoe
