Liauw Tjay.
177
samoeanja marika itoe bawa barang anteran dateng membri slamat pada Lauw Goan Tjin, Lauw Goan ïjin djoega membikin pesta di roemahnja sampe lima hari lamanja, di waktoe membikin pesta, Lie Gan Tjeng bersama Lan Soen Sio Tjiah membri slamat sembari berkataPee Hoe jang berhati boedi bisa kesiaii bagi orang jang dapet kesoesahan, maka ini hari Pee Hoe di kasi satoe anak laki-laki soepaja bisa samboeng Pee Hoe poenja toeroenan sedari Pes Hoe tanem saja poenja bapa dan soedah kasi saja kawin dari itoe Pee Hoe poenia boedi saja belon bisa bales.
Lantas Lauw Goan Tjin berkata : kami poenja pengharepan bagi tjoetjoe soepaja berlaki istri boleh mendjadi akoer selamanja, besok noesa soepaja tjoetjoe boleh mendjadi orang berpangkat besar akan samboeng tjoetjoe poenja orang toewa poenja nama, ini tahon tjoetjoe boleh pergi di kota radja boeat bikin eksaraen soepaja boleh dapet pangkat.
Serta Lie Gan Tjeng dengar ia membri trima kasi troes ia moendoer berdjalan poelang bersama-sama Lan Soen Sio Tjiah terseboetlah saorang bernama The Kie Bit, pada soeatoe hari The Rie Bit itoe prentah dia poenja orang boeat pergi tjari Lan Soen Sio Tjiah, itoe waktoe orangnja The Kie Bit dapet deno-arjang Lan Soen Sio Tjiah poenja bapa dan iboe soedah menino-aal doenia, dan la dapet kabar djoega jang Lau Soen Sio Tjiah soe'dah ada di kota Lok Jang ia djoeal dirinja pada Lauw Goan Tjiu, dari itoe The Kie Bit poenja orang dapet dengar Lauw Goan Tjin saorang jang boediman serta Lan Soen Sio Tjiah soedah di kasi kawin deno-an Lie Gan Tjeng, maka The Kie Bit poenja orang dateng di roemahnja Lauw Goan Tjin di mana ia kasi tahoe pada Lie Gan Tjens, jang The Kie Bit soeroe tjari Lan Soen Sio Tjiah dan sekalian disoeroe adjak poelang di kota radja, demikian djoega Lie Gan Tjeng masoek di dalem dia poenja roemah kasi tahoe pada Lan Soen Sio Tjiah dari Itoe perkara satoe persatoe, serta Lan Soen Sio Tjiah dengar, mendjadi soeka hati sembari berkata: Memang saja poenja inkoe ada di kota radja, sekarang boleh kasi tahoe pada Lauw Pee Hoe. Begitoe djoega Lie Gan Tjeng adjak Lan Soen Sio Tjiah masoek di roemahnja Lauw Goan Tjm, sasoedahnja. Lie Gan Tjeng kasi tahoe jang dia maoe berangkat pergi di kota radja bersama dia poenja iboe dan istri.
Lantas Lauw Goan Tjin prentah dia poenja boedak akan sedia barang makanan dan minoeman boeat kasi slamat pada Lie Gan Tjendan iboenja Thio Sie, sasoedahnja sedia itoe barang makanan di atas medja, lantas Lauw_ Goan Tjin bersama Ong Hoe Djin adjak Lis Gan Tjeng dan Thio Sie serta Lan Soen Sio Tjiah doedoek makan bersama-sama.
Lantas Lauw Goan Tjin berkata pada Thio Sie: Itoe satoe tahon jang saja dapet impian ketemoe pada Lie Hian Tee, ia kasi tahoe jang Hong Beng Sio Tjiah ada berdjodoan sama saja poenja anak Lauw Tian Joe, itoe waktoe Lauw Tian Joe belon di lahirken di
