Liauw Tjay.
123
teng pindjam sama Gan Tjoen jang lantas kasi sebrapa jang Joe Sin sampe pake boeat tambahken poko dagangannj Tempo Joe Sin datang di roemahuja Gan Tjoen pada hari itoe, maka Gan Tjoen trima dengan segala soeka hati serta di adjak doedoek sama-sama aken beromong-omong.
Maka kata Joe Sin: Tempo saja ada di Saij Tong Teng di sana saja dapet dengar Kho Hoan Gwee jang tinggal di bilangan Saij Tong Teng itoe dialah jang paling hartawan dengan ada poenja satoe anak prampoean jang terlaloe amat elok parasnja serta pinter di dalem segala pekerdjahan dan mengarti segala soerat-soerat kerna ia sampe tamat dari dia poenja peladjaran. Maka itoe Kho Hoan Gwee maoe tjari mantoe jang pinter boeat djodoken sama dia poenja anak prampoean itoe.
Apabila Gan Tjoen dengar Joe Sin poenja perkataan, ia poen lantes berpikir dengan tiada bisa soedah, sampe pada malemnja is tidoer tiada bisa poeles kerna pikirannja itoe terlaloe amat riboet di dalem hatinja.
Serta sampe besok paginja Gan Tjoen lantes berpake-pakeannja jang sereba soetra, sasoedahnja ia lantas dateng di coemahnja Joe Sin, tetapi tatkala itoe Joe Sin belon boeka pintoe roemahnja. Maka Gan Tjoen lantas ketok pintoenja Joe Sin. Tempo Joe Sin dengar orang ketok pintoe sigra djoega Joe Sin boeka pintoenja di mana ia dapet lihat Gan Tjoen dengan berpake-pakean jang amit indahnja, lantas Joe Sin adjak Gan Tjoen masoek di dalem roemahinja sasoe- dahnja ia orang berdoen doedoek, begitoe djoeg Joe Sin menanja: Gan Siang Kong begini pagi dateng di roemah saja, ada apa perkara ?
Lantas Gan Tjoen berkata: Saja ada satoe perkara maoe minta toeloeng inko boeat oeroesin, maka pagi-pagi saja dateng di sini maoe kasi tahoe sama inko.
Joe Sin berkata: Saja belon tahoe Siang Kong ada perkara apa maoe minta toeloeng sama saja, djikaloe saja boleh toeloeng, tentoe sekali saja nanti toeloeng.
Serta Gan Tjoen dengar Joe Sin kata begitoe, lantas ia berkata : Djikaloe inko bisa toeloeng, segala ongkos nanti saja kasi. Tempo kemaren pagi jang inko soedah tjerita sama saja inko bilang itoe Kho Hoan Gwee maoe tjari mantoe, djikaloe inko boleh toeloeng mintain anaknja Kho Hoan Gwee boeat saja, djikaloe bisa berdjodoan saja tiada loepaken inko poenja boedi . Setelah Joe Sin dengar perkataännja Gan Tjoen itoe, ia poen djadi tertawa sembari berkata: Gan Siang Kong djangan mara, saja bilang sebetoel-betoelnja djikaloe lain orang poenja anak prampoean saja boleh toeloeng mintain, djikaloe Siang Kong soeka, tetapi djikaloe Gan Siang Kong soeros saja boeat minta Kho Hoan Gwee poenja anak prampoean itoe, saja rasa soesahlah djadinja.
Lantas Gan Tjoen berkata: Djikaloe begitoe inko tiada bisa toeloeng sama saja.
