LIAUW TJAY.
109
bikin tetap hari kawinja liingga Beng Tjaij Sin mendjadi soeka hati, dan ia lantas kaai tahoe pada dia poenja sanak koelawarga aken datang di dalem pesta kawinnja. Setelah sampe harinja maka dibikin pesta kawin itoe jang mana lantas datang Beng Tjaij Sin poenja sanak koelawarga dan sobat andenja di dalem pesta itoe hingga terlaloe amat ramenja, itoe waktoe Siauw Tjeng berpake-pakean penganten jang mana membikin dia poenja roepa mendjadi lebi amat tjakapnja
hingga samoeanja tetamoe jang melihat Siauw Tjeng poenja roepa, djadi tertjengang-tjengang seperti ia melihat satoe bidadari jang baroe toeroen di doenia, maka masing-masing marika itoe membri slamat pada Siauw Tjeng.
Kerna Siauw Tjeng saorang prampoean jang pinter, maka ia panda menjoenging segala roepa gambar-gambaran poehoen dan sebaginja, apa lagi kaloe ia soenging poehoen lamhoa dan poehoen hweehoa hingga terlaloe amat indanja matjem gambar itoe. Dari itoe Siauw Tjeng soeka soenging poehoen itoe, maka tempo Siauw Tjeng belon kawin ia ada bikin satoe soengingan poehoen lamhoa dan poehoen bweehoa jang mana soengingan gambar itoe di simpennja, sampe ia maoe kawin baroe ia gantoeng gambar itoe di depan djendela kamar penganten, maka waktoe hari kawinnja Beng Tjaij Sin dengan Siauw Tjeng itoe, banjak sanak koelawarganja Beng Tjaij Sin dapet lihat itoe gambar poehoen lamhoa dan poehoen bweehoa terlaloe amat indahnja, hingga masing-masing marika itoe mendjadi soeka hati.
Tempo waktoe soedah tengah malem jang mana samoeanja Beng Tjaij Sin poenja tetamoe soedah pada poelang kerna pesta soedah boebaran, maka Beng Tjaij Sin lantas masoek di dalem kamar penganten baroe, di sitoe Beng Tjaij Sin menanja pada Siauw Tjeng: Tempo itoe hari kenapa nona tiada brani tidoer di ini kamar?
Lantas Siauw Tjeng berkata: sebab saja soedah lama dapat, hawa doenia, djadi sekarang saja tiada takoet tidoer di ini kamar,apa lagi tidoer sama-sama Siang Kong boeat tidoer di ini kamar teiitoe sekali saja djoega tiada takoet. Sasoedahnja Siauw Tjeng habis bitjara lantas masing-masing troes tidoer.
Maka terseboetlah tjerita sedari Beng Tjaij Sin habis kawin sampe tiga hari lamanja, Beng Tjaij Sin poenja hati tiada enak sadja, kerna ia slempang penggoda di kota Kim Hoa nanti mendatengin lagi, dari itoe maka pada waktoe sore Beng Tjaij Sin lantas ambil pedangnja bawa masoek di dalem kamarnja sembari berkata pada Siauw Tjeng: Ini pedang dewa jang poenja ia kasi sama saja dan ini pedang belon tahoe di boeat boenoeh manoesia, kenapa nona lihat ini pedang, nona mendjadi takoet?
Begitoe djoega Siauw Tjeng berkata: Djikaloe Siang Kong maoe taroh itoe pedang boleh gantoeng di loear pintoe kamar. Sahabis Siauw Tjeng kata begitoe, lantas Beng Tjaij Sin ambil itoe pedang dan troes di gantoengnja di loear pintoe. Kebetoelan itoe malem Beng Tjaij Sin tiada bisa tidoer dan Siauw Tjeng jang ada
