102
LIAUW TJAY.
XXII
TJEEITA BENG TJAIJ SIN JANG BERBOEDI, TELAH
DI TOELOENG OLEH SETAN PRAMPOEAN SIAUW TJENG.
Di dalem kota Tjiat Kang ada lah saorang bernama Beng Tjaig Sin jang mempoenjai tingka lakoe terlaloe amat haloes dan alim, maka kaloe dia mengomong sama dia poenja sobat-sobat dengan perkataan jang sebenar-benarnja, lagi poen tiada tahoe sala satoe pataapa jang dia poenja bitjara.
Akan tetapi Beng Tjaij Sin itoe soeka melantjong pergi di kota Xim Hoa, tempo satoe waktoe Beng Tjaij Sin pergi di kota Kim Hoa ia sampe di satoe geredja Lam Djiak Sie, ada poen di dalem itoe geredja terlaloe amat beresinja, maka Beng Tjaij Sin djalandjalan di dalem itoe geredja kesana kemari dari sitoe ia sampe di empang träte, kebetoelan di itoe empang träte dia poenja kembang terlaloe amat saratnja, begitoe djoega Beng Tjaij Sin menoenggoe poelangnja Wesio di itoe geredja, serta sampe sore lantas ada satoe orang datang menanja: Sobat di sini kerdja apa?
Lantas Beng Tjaij Sin berkata: Saja lihat ini kembang träte terlaloe amat indah matjemnja.
Begitoe djoega itoe orang berkata: Di sini soewatoe tempat jang soenji (sepi) tiada ada orang, beroentoeng sobat ada di sini.
Apa bila Beng Tjaij Sin dengar perkatahan itoe, maka ia mendjadi soeka hatinja dan ia doedoek sama-sama itoe orang di mana trangnja boelan jang seperti siang, lantas Beng Tjaij Sin menanja sama itoe orang : Sobat orang di mana :
Lantas itoe orang berkata : Saja nama Jan Tjek He.
Serta Beng Tjaij Sin dengar, ia djadi tjoeriga hati sembari berkata: Djikaloe saja dengar sobat poenja soewara boekannja orang di kampoeng sini, atsal orang di negri Tjin Kok poenja soewara, lebi baek sobat bersama-sama saja tinggal di sini.
Lantas Jan Tjek He bilang jang dia tiada bisa toeroet, sebab dia misti poelang, begitoe djoega Jan Tjek He berangkat poelang ka tempatnja, djadi Beng Tjaij Sin tinggal sendiri di sitoe. Itoe. malem Beng Tjaij Sin trada bisa tidoer sebab dia orang baroe ada di itoe tempat menginap, tatkala Beng Tjaij Sin lagi doedoek ia dapat dengar soewara orang bitjara di satoe roemah ketjil jang ada di loear tembok geredja, sekoetika itoe djoega Beng Tjaij Sin lantas mengintip ka dalem itoe roemah di mana ia dapat lihat ada ampat poeloe orang prampoean moeda dan sama satoe prampoean toewa lagi doedoek di itoe roemah, di, dalem itoe ampat poeloe prampoean moeda ada saorang jang berkata: Kenapa Siauw Tjeng lama tiada dateng di sini.
Lantas itoe prampoean toewa berkata: Di waktoe-waktoe Siauw Tjeng djoega dateng, sampe sekarang ini ia belon däteng lagi.
Itoe prampoean moeda berkata: Barangkali intjem ada mara sama dia.
