6
DI ROEMAH KOMEDIE (OPERA)
Doewa nona-nona moeda soedah di oedji dalem examen sekola moesik di Italia, maka kadoewa-doewa dapet soerat poedjian jang bagoes sekali. Sekarang doewa-doewa nanti bermoela-moela maen di opera. laitoe Louise dan Eugenie, d' Armiliy, jang dari moeda berdoewa-doewa soedah bersachbatan keras, dan soedah bikin moesik, sampe sekarang ini tali persachbatan itoe terlebi keras mengikatken hati kadoewa nona'nona itoe. Seringkali, kapan doeloe ini doewa nona'nona lagi bikin moesik di roemah, maka dia orang soedah pikirin, bagimana aken bisa maen di Opera. Koetika itoe doewa nona-nona lari dari Frankrijk, maka dia orang ambil djalan liwat bebrapa kota jang besar besar di Italia, Milaan, Genua, Piea semoewa itoe di mampirin dan di satoe-satoe kota dia orang maen moesik dengen bajaran, soepaja oewang bekelannja djangan terlaloe lekas abis. Achir-achirnja sampelah di Kome, di mana kadoewa itoe misti di oedji di hadepan orang banjak. Se karang ini examen soedah liwat, dan di poêdji se kali oleh sekalian jang dengar kadoewanja itoe bikin moesik, hingga dapetlah di pandangnja pintoe emaa itoe terboeka dan gampang marika kadoewa masoek ka dalem, aken memetik kahormatan dan harta ke- kaja an.
