16
wa-in doewit dan laen-laen. Katanja itoe semoewa dari orang penoeloengkoe, jang tida maoe kabi taoe namanja. Itoe oewang akoe pake koewat beli makanan jang lebi baik dari makanan ramsoem boei. Akoe soedah mengadep di badepan hakim, di mana akoe kataken, jang akoe anaknja toewan de Villefort, procureur karadja-an jang doeloewan dari toewan. Abis akoe nantiken hoekoemankoe. Akoe peminggatan dari boei besar, dan akoe djadi pemboenoehnja Caderouaae, apa laen akoe nantiken, tjoema tiang gantoengan. Procureur karadja-an potong tjeritanja Benedetto: jBegimana acgkau bole dapet taoe jang angkau anak nja toewan de Villefort." Ha, ini tida di pertanjaken padakoe. Akoe nan ti tjeritaken. Dari pada itoe orang jang menoeloeng akoe diam-diam, soedah akoe tjeritaken pada toewan Bertuccio jang beroelang-oelang dateng mem bawa kasiannja itoe toewan. Pada soewatoe hari Bertuccio kataken padakoe: „Benedetto angkau ini di pertoedoehken perkara jang amat berat. Tetapi ada satoe orang jang maoe toeloeng padamoe, sebab dia itoe memang bersoemgah saban-saban taon, dia maoe toeloeng satoe orang jang ada dalem bahaja besar. Itoe toewan soedah memirken akal boewat membebasken angkau ini da ri pada tiang gantoengan. Beginilah akal itoe: Toewan procureur karadja-an jang bikin vonnismoe soedah taoe idoep sama satoe njonja dengan diamdiam sampe itoe njonja beranak, ia itoe anaknja de Villefort. Kadjabatan itoe misti di semboeni-in dari mata dan koeping orang banjak.
