— 1180 —
Rahajat negri bikin persari
ketan sama pendjahat di goe
-noeng Jauw Taij bikin peram-
pokan besar di Djin Ho.-Bauw
Si dapet taoe resia swaminja
dari Bauw Hian.
Oendoernja Yoe Si dari roema pelesiran iboe poengoetnja ini haroes di bilang ada satoe kaberoentoengan bagi dirinja itoe gadis. Betoel dalem itoe perdjalanan ia aken meneroesken brapa roepa kasoekeran dan bahaja, tapi bahaja itoe tiada kala heibat bila ia masi ada di dalem kota, kerna tiada brapa hari ia pergi, pada satoe malem telah terdjadi satoe kariboetan besar, begitoe besar hingga tiada nanti di loepaken oleh rata-rata pendoedoek di Djin Ho Koan.
Sebagimana pembatja telah mengetahoei, Jam Tikoan jang mamerenta di Djin Ho terbantoe dengen ia poenja orang-orang sebawa'an, telah lakoeken berbagi-bagi pameresan pada rahajat negri di itoe tempat, hingga boekan sadja orang-orang hartawan, pendoedoek jang miskin djoega telah djadi korban dan rata-rata merasa tiada soeka sama itoe pembesar doerhaka.
Djoega orang-orang dagang dari laen tempat tiada oeroeng kena di korbanken oleh itoe pembesar jang rakoes.
Maskipoen orang-orang banjak poenja rasa koe-
