— 1600 —
adalah harepan besar aken kau bisa mendapet keadilan atas itoe perboeatan kedji jang soeda di perboeat pada dirinja kau poenja swami."
Tjhia Si membilang trima kasi.
Bong Loan dan Tjeng Bwe masing-masing lantas naek ka atas koedanja, jang dengen pelahan, pelahan lantas brangkat ka dalem kota, sedeng Tjhia Si mengikoetin di blakang.
Sepandjang djalan ia orang beromong-omong lagi, dari mana kombali Bong Loan dapet laen ketrangan tentang hal-hal jang soeda kedjadianatas dirinja Soen Njo, begitoe djoega dengan oeroesan jang terdjadi di gedong Tin Kok Hoe.
Tiada lama ia orang sampe di dalem kota, Bong Loan adjak Tjhia Si masoek ka dalem gedong tempat tinggalnja, di mana ia prenta menoenggoe sampe datengnja hari esok, aken di selidikin hal itoe terlebi djaoe.
Bong Loan menggantiken ha-
kim bikin penjelidikan atas
perkara jang tiada patoet.—
Yoe Si dapet harepan baek bagi
dirinja.
Pada itoe sore djoega, Tjeng Bwe lantas hendak pergi ka kamarnja In Liong Kiongtjoe boeat ambil
