— 1530 —
gitoe besar, tjoema lantaran sekarang begitoe perloe kami moesti dapet pertoeloengan dari kau, maka maoe tiada maoe kami moesti berboeat begitoe. Panglima moesoe tjoema maoe bikin perdamian kaloe sadja kami soeka seraken kau di tangannja, sedeng kaloe kami tiada loeloesken itoe perminta'an, nistjaja ini negri aken djadi antjoer leboer diserang oleh moesoe."
„Oh, Allah!" mengeloe Ang Kok In dengen swara serak. Dari pada anterin akoe ka kota radja, adalah lebi baek boenoe sadja sekarang djoega, dengen begitoe akoe nanti merasa senang. Taij Ong taoe sendiri, atas akoe poenja perboeatan soeda adjak Dji Taij Ong Ya Loet Tong melariken diri dari kota radja, itoe sadja orang lantas bisa mengarti begimana besar adanja akoe poenja kadosa'an. Maka dari itoe akoe lebi soeka diboenoe sekarang djoega dari pada dibawa ka sana."
Sedeng kata begitoe, itoe dorna brontak-brontak dan tjoba maoe lakoeken perboeat nekat, tapi.kelakoean itoe pertjoema sadja. Bebrapa orang jang bertangan besi soeda djebloesken ia ka dalem gerobak persakitan, hingga ia djadi berkoewing-koewing sebagi andjing jang aken menerima korban.
„Kaloe taoe bakal kedjadian begini roepa, biar poen seantero anggotakoe ditaboer inten, tiada manti akoe menoeroet!' kata itoe menoesia kedji dengen swara keras.
