— 1385 —
kate, hanja sedeng, ada sedikit gemoek, dadanja lebar dan laen-laen pengliatan jang tegap, hingga bagi jang mengarti prihal meliat orang poenja toeboe lantaslah bisa menjataken, bahoea si Gagoe itoe ada saorang jang bertenaga besar.
Sakean lamanja Kioe Tjianswe memandang dengen memoedji di dalem hatinja, panteslah si Gagoe itoe soeda berdiri sebagi pelindoeng jang sedjati, kerna sifat-sifat jang kliatan ada mengoenadjoek ia saorang jang berhati djoedjoer dan setia.
Kamodian Kioe Tjianswe bangoenken padanja, ini orang bangsawan mengoendjoek pada satoe krosi dalem itoe perdjamoean dan silaken si Ga-goe berdoedoek, tapi ia ini gojang kepala. la menoendjoek dirinja sendiri dan kamodian kasi oendjoek ia poenja djeridji kelingking, menoendjoek pada semoea orang jang berdjamoe seraja mengasi liat djempolnja. Dengen ini tjara, beginilah si Gagoe maoe kata: „Begimana akoe brani doedoek bersama-sama Tjianswe dan semoea orang di sini. Akoe ini tiada lebi dari satoe boedak jang berderadjat renda, toeroenan hina, soeda tentoe tiada ada itoe kahormatan aken doedoek bersama-sama dan ini semoea orang, jang satoe persatoe ada berpangkat tinggi."
Kioe Tjianswe mengarti baek apa jang si Ga- goe artiken dengen tjaranja itoe, ini orang bangsawan semingkin girang dan poedji padanja. la
