— 1379 —
kata: Tjiongwie Tjiangkoen, sabenernja hal ini tiada membikin akoe merasa girang di hati sedeng sebenernja memang akoe haroes berlakoe begitoe. Anakkoe dengen mengandoeng maksoed maoe menoeloeng orang toea, tapi ia soeda djoestaken Sri Baginda radja dengen itoe penjaroean setjara lelaki, hingga hal itoe sekali-kali boekan berarti aken menoeloeng padakoe. hanja saolah- olah sengadja tamba akoe poenja kadosa'an.
„Kenapa Siokhoe boleh kata begitoe?" menanja Tjo Goanswe dengen tiada abis mengarti. „Dengen banjak soesa Ko Siotjia soeda meninggalken roema tangga, sampe achirnja ia beroleh itoe kaberoentoengan jang sasoenggoenja soeker terdapet. Maoe tjari satoe anak prempoean jang sampe begitoe berbakti sama ajahnja seperti apa jang Ko Siotjia soeda berboeat, brangkali tiada ada ka doeanja. Akoe brani pastiken Baginda kaloe taoe hal itoe, boekan sadja tiada merasa girang, malah boleh djadi ia nanti hatoerken satoe soerat poedjian bagi kebaktiannja Siokhoe poenja Tjiankim itoe."
Maski begitoe, Ko Kong kliatan masi tinggal berdoeka.
Tjo Goanswe sigra prenta pengawalnja sediaken arak dan barang hidangan, di mana ia oendang Ko Kong doedoek bersantap.
Di sitoe, kombali itoe kepala prang dan seka-
