— 1119 —
an orang laen, oemoemnja orang banjak poen tentoe nanti menjela atas kelakoeanmoe itoe. Akoe taoe kau ada anak jang semata-matanja dan sanget ditjinta; kelakoean dan adat kabiasaän dalem roema tangga sendiri tiada boleh disamaken dengen roemanja laen orang, apa lagi seperti di sini jang sedjelek-djeleknja ada gedongnja radja moeda. Akoe rasa kau blon mengarti atoer atoeran begimana djadi mantoenja orang; bangoen pagi djangan katinggalan sama mertoea; waktoe maoe bersantap moesti ada ba sanja; moesti bisa menghormat dan sebagi orang prempoean kita haroes pegang apa jang pantes boeat dikerdjain setiap hari. Inilah ada atoeran teroetama moesti di'inget. begimana besar akoe poenja rasa beroentoeng atas kau poenja perdjodoan sama Hok Tjoen brangkali tjoema Allah jang taoe. Djanganlah kau dendem di hati atas akoe poenja perkata-an, jang sekali-kali boekan sebab dengki hanja terbit pikiran, sebagi nasehat."
Berkata sampe di sitoe sabenernja Soen Nio maoe boeka moeloet lagi aken membri nasehat terlebi djaoe, tapi apa maoe dengen begitoe kasar Dji Hoa bangoen berdiri. la berpaling pada Djimpo jang kabetoelan blon lama masoek dengen berkata: „Sebagi toea bangka kau toch lebi mengarti, kaloe toeroenan familie radja moeda moesti lamar anaknja ambtenaar ambtenaar negri
