— 1291 —
perdjandjian sama Yoe Si; lagi tjara jang begitoe manis kau soeda bitjaraken akoe poenja perdjodoan dengen kau poenja soedara, boeat mana akoe soeda trima dengen tangan terboeka. Tapi kaloe akoe taoe bakal kedjadian begini matjem, tentoe sadja biar begimana djoega akoe tiada soedi trima itoe semoea!”
Boen Pa oetjapken itoe sasoeatoe perkata'an dengen keras dan sanget bernapsoe. Di sitoe tiada ada laen orang, selaennja Tjeng Bwe, jang seperti djoega nonanja, ini boedak poen diam mendengerin itoe orang berkata-kata.
„Sekarang akoe ingin menanja, apa itoe perboeatan, itoe kelakoean dan laen-laen kau poenja tjara, apa haroes dipandang sebagi lelaki sedjati ?" begitoe Boen Pa menanja. Tapi di sini tiada loepa kita maoe terangken, bahoea sekalipoen berkata-kata dan tanja ini serta itoe, tapi itoe orang moeda selaloe boeang moekanja, ia seperti tiada soeka liat lagi moekanja itoe orang jang diadjak berkata-kata.
Lebi djaoe ia berkata poela: „Itoe semoea akoe kira kau tiada nanti bisa singkirken dirimoe dari kaboesoekan! Kau soeda djadi loepa dengen hal-hal jang doeloe-doeloe, lantaran keada'an jang sekarang begitoe gilang-goemilang, begitoe moelia! Akoe sampe mengarti Lu Sin- siang ada pembesar jang paling berkwasa dalem
