dan laen-laen lagi. Sedeng Hok Tjoen sengadja bikin pandjang temponja soepaja ia bisa berhadepan begitoe lama sama Dji Hoa tapi apa maoe itoe gadis seperti tiada mengidjinken dan prenta ia poelang. Hok Tjoen jang sebagi soeda berakar mana maoe gampang gampang oendoerken diri, malah dengen poera-poera bingoeng ia kata „Begini waktoe tjara begimana Siotjia maoe soeroe akoe poelang? Akoe ini ada sanget penakoet dan tiada biasa kaloear malem. Harep nona poenja kasian dan minta kau poenja senang hati soepaja akoe menginep sadja di sini, sekalipoen tidoer di batoe atawa di atas bangkoe, esok sablon laen orang bangoen akoe boleh poelang.
Itoe prempoean toea djadi ketawa koetika liat kelakoeannja Hok Tjoen. la kata dengen ketoes: „Akoe tiada pertjaja Siangkong penakoet! Djika koerang-koerang tabanja akoe kira kau tiada bisa sampe di sini. Siangkong taoe hoekoeman apa orang nanti dapet bila ketaoean tenga malem masoek di roema orang, apa lagi dalem kamarnja satoe gadis jang boekan djadi familienja?”
„Kenapa akoe tiada taoe!” saoet Hok Tjoen dengen merasa mengkel di hati: „Tapi, boeat goenanja nona jang akoe tjinta, biarpoen mati tiada oeroeng akoe dateng tengokin!”
„Djik (teks tidak terbaca)nandake
