— 104 —
di atas panggoeng mengadepken 1 medja serta di atas medja ada terseida 1 tjap Goanswe sekalian badjoe, kaliatan di waktoe itoe semoa Kongtjoe orang gaga bersama dateng disitoe dengen pakeanja bewarna roepa, ada jang berpake kopia Liong dan ada jang bertoenggang koeda item dan laen laen, terlaloe banjak sekali boeat di seboetkennja, O! soenggoe kliwat rame dan angket kliattannja, maka waktoe itoe brame Kongtjoe bertoenggang koeda dateng di depan itoe panggoeng.
Itoe tempo radja moeda bernama Lie Tie boeka swara berkata panggil: Tjoe Wie Ong Heng sekarang kami poenja Hoe Ong mendapet soesa di negri Sonw Pak, ini hari Thia Lo Ong Pee dateng maoe pili angkau semoea anak-anak moeda jang gaga dan pande jang bakal di djadiken pangkat Teng Pak Djie Lous Taij Goanswee aken bawa soldadoe boeat toeloeng kami poenja Hoe Ong, siapa-siapa jang ada poenja kagagahan dan kapandean sekarang bole kasi oendjoek bole lantas dapet pangkat Serta Lie Tie blon abis berkata, dari pinggir ada satoe Kongtjoe kloear boeka swara berkata: Ja Entia saja poenja permaenan dari Gisiauw kampak kliwat pande soeda tiada ada orang bole lawan, itoe pangkat Djie Louw Goanswee bole kasi pada saja, kaget kadengeran lagi ada satoe Kongtjoe boeka swara menjentak kata: he Thia Koko, kau djangan harep
