SI NONA MERAH......
63
enaknja sama dengen djeroek Poenten atawa Batoe."
Kadjoestaan jang begitoe kasar hanja bisa didjoeal pada saorang wanita jang terlaloe mendalem kaper-tjajaan tachajoelnja.
„Bagimana dengen Ang Hwa?“
„Sekarang dia lagi sakit dabak !“
„Ah, kasian betoel. Saja kangen padanja. Potret-nja begitoe loetjoe!“
„Ja, kita moesti pertjaja Thikong, engso! Toehan melindoengin semoea machloek di doenia, teroetama jang baek hati seperti engso. Anak jang kena dabak itoe soedah oemoem, engso djangan koeatir satoe apa.“
Njonja Han pesoet aer matanja jang maoe toeroen melele sepandjang pipinja.
„Djangan sedih...... dia nanti lekas baek, engso!“
„Saja boekan sedihin Ang Hwa sakit dabak, tapi inget...... Hing Nio!“ berkata njonja Han sembari menangis tersedoeh-sedoeh.
„Ah, boeat apa dipikirin terlaloe-laloe, engso. Dia soedah seneng di sorga.“
Njonja Han laloe mengotje: „Ja. sinshe, saja se-karang maoe tjerita isi-hati saja. Kemaren saja di-oendang pesta perkawinan. Orangnja tida begitoe mampoeh, tapi gedongnja bagoes. Muziek dan pat-im dipangeil dan lantaran roemahnja menghadep la-pangan terboeka, dia dapet idzin boeat malem pasang kembang-api. Saja djadi inget sama Hing, anak satoe-satoenja tida bisa saja kawinken begitoe ra-me...... ho........ saja poenja salah sendiri.........“ Kamoedian njonja Han menangis lagi.
Ban Pwee menghiboer dengen oendjoek dari goe-ratan-goeratan tangannja njonja Han, bahoea njo—nja Han tahon ini bakal dapet redjeki besar, bisa ketemoe familie jang djaoeh dan matjem-matjem,
