SI NONA’MERAH’......
61
berkata: „Ja, kaloe tida ada oeang ketjil, owe trima ini, tapi engso toenggoe sabentar owe kombali dengen bawa penoekeran oeang ketjil. Owe orang miskin, tapi tida serakah. Kaloe tida ada, bilang tida ada, tapi boeat peres orang itoe perboeatan haram, engso. Tida di-idzinken oleh Allah !“
Achirnja mendenger „katoeloesan hatinja“ sinshe loear biasa ini, njonja Han djadi kasi 4 ringgit dan memoedji satinggi langit boedinja sianseng sinshe tetiron.
„Kaloe owe perloe pake oeang lebih dari tjap-toen, owe tida soengkan ketok pintoe engso jang owe liat dari aer moekanja ada saorang dermawan dan twa-hokkhie!“
Diseboet „dermawan“ njonja Han makin merasa seperti anak dimandja-mandja dan laloe berkata: „Djangan kata siang, malem sinshe boleh ketok roemah saja!“
„Kaloe awe soedah baek betoel, owe nanti dateng lagi boeat beremboek oeroesan pergi ka Bandoeng!“
“Begitoelah pada itoe hari Ban Pwee kaloear dari gedong Han dengen gosok-gosok kadoea tangannja, lantaran girang.
Liwat satoe minggoe lagi, sinshe „baek hati“ itoe moentjoel lagi dan berkata: „Besok pagi owe brangkat ka Bandoeng...... soedah sedia bekel, biar sedikit, tapi lebih banjak dari doeloean!“
Njonja Han boeroe-boeroe masoek dan kaloear dengan serahken oeang ƒ 200.- pada Ban Pwee jang sekali ini diterima dengen sapoeloeh djari, maskipoen moelai poera-poera bilang „kebanjakan“.
„Saja kapingin sekali sinshe nanti sapoelangnja dari Bandoeng bawa portretnja Ang Hwa!“
„Baek...... baek...... owe perhatiken semoea pesenan engso. Djangan koeatir!“
Sasoedah trima oeang itoe, „sinshe“ Ban Pwee
