58
TJILIK-ROMAN’S
„Ang Hwa sekarang idoep dalem soesah, sebab iboenja mati. Apa engso tida kasian padanja, Anak itoe tida berdosa, tida minta dilahirken.........|“
Njonja Han berpikir keras. Lama ia diam dengen toendoekin kepalanja, hingga Ban Pwee dapet koe-tika boeat memandang sepasang giwangnja jang: besar dari njonja Inten.
„Ja..... saja nanti beremboek sama engko Ban Lok?“
„Siapa itoe?“
„Saja poenja soedara-toea, sinshe. Memang engko Ban Lok soedah dapet pesenan dari soeami saja boeat tjari itoe anak.“
„Ban Fwee djadi girang sekali, kerna inilah jang ia siang-malem harep.“
Tapi ia pinter sekali oempetken perasaannja dan menjaoet: :„Oh, oo......... tapi engso haroes inget orang lelaki gampang amarahnja keloear. Sekarang dia belon liat Ang Hwa, tapi kaloe soedah ketemoe, oeah, ia bisa gemes pada perboeatan Hing Nio dan nanti tida bawa poelang itoe anak. Dia bilang sadja itoe anak soedah mati.........!“
Toedoehan jang begitoe koerang adjar sabenernja bisa lantas’ ditolak, tapi lantaran njonja Inten ada saorang prempoean jang lemah batinnja dan maen pertjaja tachajoel, ia djadi benerken si sinshe tetiron poenja obrolan.
„Tjoba, engso pikir......“ begitoe Ban Pwee melandjoetken. „kaloe sampe soedara engso bentji Ang Hwa, soenggoeh kesian itoe anak. Kabetoelan laen minggoe owe maoe pergi ka Bandoeng. Owe nanti batja boekoe pokwa ini jang berasal dari Dewa Tay It Tjin Djin dari goenoeng Koen Loen San, lantas owe bisa taoe dikampoeng mana, straat apa Ang Hwa itoe tinggal. Boekoe ini terang sebagi katja. Tida taoe meleset, engso!“
