Halaman ini tervalidasi
95
Tjoelik menjahoet tiada Koe tjampoer,
Goeroe-nja Tjabak doa-nja mandjoer.
Mara bertampè sepertie Goentoer,
Dimana akoe branie tempoer.
Hatie-nja Tjoelik sepertie Ombak,
Kendatie-nja Akoe matie di Toembak.
Biar di oepa Dodol Setabak,
Takoet bermoesoe kepada Tjabak.
Baginda itoe Kaka-nja Serak,
Njang djalan soeka bersoerak.
Biar di oepa se-Pondjèn pérak,
Tiada hatie Koe nantie bergerak.
Djikaloe lain darie Dia-nja,
Akoe toeloeng troesa oepa-nja.
Baginda itoe mandjoer doa-nja,
Tambahan Akoe di bawa hoekoem-nja.
Dengar la Inang njang Akoe bilang,
Akoe poen saijang boekan kepalang.
Sekarang inie lekas la poelang,
Djangan sampè Noerie mengilang.
