Halaman ini tervalidasi
70
Soenggoe toeankoe orang berboedie,
Sampoerna sepertie di kata tadie.
Kerdjahan Paté harap mendjadie,
Sekalie poen matie Paté poen soedie,
Djikaloe kepada la inie Djeman,
Tiada njang laèn Boeroeng ber-iman.
Datö Poctar panghoeloe Taman,
Kapada dia Paté berteman.
Nerpatie bersabda sambil tetawa,
Biar Paté pergie berdoewa.
Berpangkat lagie sama poen toewa,
Di tenga djalan djangan ketjiwa.
Djikaloe berteman Riboe dan Laksa,
Kredjahan djadie semingkin soesa.
Mendjadie riboet sekalian Désa,
Sala-sala djadie binasa.
Tentoe gempar soeâra-nja Orang,
Riboet-nja lagie sepertie Perang.
Kemoedian di tanja Radja njang Garan
Pekerdjahan gelap mendjadie terang.
