PERINGETAN DARI TEMPO DOELOE.
dan tinggalken sapotong soerat boeat Tham Tjay dalem mana ia kasih taoe kenapa ia berangkat dengen begitoe mendadak.
Boekan maen kaget dan koeatirnja Tham Tjay koetika di waktoe lohor ia poelang ka roemah dapet batja Soeratnja Sian Nio dan penoetoeran dari tetangganja jang menjaksiken apa telah kadjadian. Dengen tergoepoeh-goepoeh ia pergi pada Lay Hok boeat berempoek aken menjingkirken diri dari Bandoeng, sebab amat boleh djadi Seng Lie nanti kasih taoe pada bekas tauwkeenja hingga ia bakal lekas dikedjer oleh politie. Achirnja dengen setoedjoenja Lay Hok ia pergi mengoempet di Soemedang, dimana tiga hari komoedian ia terima soeratnja itoe sobat jang kasih taoe politie ada dateng tjari padanja. Pengabisan Lay Hok kirimken oewang f 100 boeat ia menjingkir lebih djaoe ka Cheribon dengen menjamar.
Di Cheribon poen Tham Tjay merasa koerang santosa, maski disitoe tida ada orang jang kenal padanja, maka ia laloe berangkat ka Semarang, satoe kota besar dan rame, dimana tida begitoe diperhatiken pada orang-orang dari laen tempat jang dateng tjari pakerdja'an, hingga ia tida oesah menjamar poela. la soedah beroentoeng diterima bekerdja pada satoe firma hatsil boemi Tionghoa jang besar dan lagi sedeng madjoe serta dapet kaoentoengan bagoes. Tham Tjay poenja kagiatan dan karadjinan serta katjerdikan dengen lekas menarik perhatian dari iapoenja chef, hingga dalem tempo doea taon ia dikasih kadoedoekan rada penting dengen gadji f 75 dan saban taon dapet persenan jang loemajan djoega.
Selama itoe tempo Tham Tjay perna djoega soerat menjoerat pada Lay Hok, tapi apatjilaka
57
