PERINGETAN DARI TEMPO DOELOE.
baakoe soedah dapet taoe terang jang kaoe tjoemah dibajar tida lebih dari limablas roepiah satoe boelan, sedeng oewang jang kaoe titipkan dalem ini beberapa boelan ada melebihin dari itoe gadji jang kaoe dapet."
Tham Tjay djadi kamekmek. Keringet dingin lantes mengoetjoer dari djidat dan lehernja. Terang sekalih itoe bakal mertoea soedah denger dari tauwkeenja iapoenja segala perboeatan jang tida baek dan tjoerang. hingga sekarang Seng Lie mengoesoet iapoenja kadosa'an seperti satoe hakim jang pereksa persakitan.
Boeat bilang itoe oewang didapet dari menang maen, dari hatsil pakerdja'an extra di loearan, atawa bersèroe dagang dengen kawan-kawan, dan sabaginja lagi, ia tida berani, kerna soedah tentoe tida dipertjaja, dan orang bisa oesoet katerangan lebih djaoe, bersama siapa ia biasa berdjoedi, pakerdja'an apa jang bikin ia dapetken itoe hatsil extra, hingga lantes kataoean djoestanja. Tapi boeat mengakkoe teroes-terang kadosa'annja di hadepan itoe bakal mertoea, poen ia merasa sanget kaberatan. Achirnja Tham Tjay pikir lebih baek ambil djalanan tengah dengen tida djawab apa jang ditanja, maka ia menjaoet sadja : — „Owe kapingin taoe lebih doeloe apa itoe oeroesan bisa beres atawa tida."
Seng Lie poenja paras djadi berobah bengis koetika ia menjaoet : — „Dari kaoe poenja tauwkee akoe dapet taoe, jang salaennja bikin tekort oewang rekening kaoe soedah lakoeken pentjoerian dengen berkongkoi sama iapoenja beberapa langganan, jang saban dateng belandja kaoe kasihken barang-barang lebih banjak dari pada apa jang dibeli, dan komoedian kaoe terima pembajaran dari marika dengen harga rendah
43
