PERINGETAN DARI TEMPO DOELOE.
dang itoe penipoean jang satjara crimineel hanja sabagi „pindjeman“ jang, kapan soedah kasampean maksoednja aken berdagang sendiri, ia nanti bajar poelang dengen disertaken rentennja djoega.
Itoe „pindjeman“ zonder idzin tambah lama semingkin besar. Berselang satoe taon ia soedah bisa titip pada Ouw Seng Lie, ajahnja Sian Nio, sadjoemblah f 150, jang sama besarnja seperti ia poenja gadji satoe taon. Ini oewang boeat di itoe tempo ada tjoekoep aken ia menika dengen Sian Nio satjara saderhana, atawa djikaloe tida, dipake sadja sabagi modal boeat berdagang ketjil; tapi masih koerang djikaloe ia hendak menika berbareng dengen berdagang dan beroemah tangga sendiri, oentoek mana ia moesti sedia sedikitnja f 400.
Boeat lekas sampeken angen-angennja, Tham Tjay ambil poetoesan aken mentjoeri lebih besar, kerna sampe sabagitoe djaoe itoe perboeatan tjoerang tida kataoean oleh iapoenja tauwkee jang tida bertjoeriga. Ia hendak koempoelken ampat atawa lima ratoes roepiah salekasnja bisa, dan komoedian minta berenti boeat tjoba berdagang ketjil dan menika dengen Siam Nio. Begitoelah sedeng tadinja ia tjoemah menipoe satiap boelan beberapa blas roepiah, sekarang dalem satoe kalih poekoel ia bisa kantongin oewang doea tiga poeloeh roepiah dengen sekongkol sama sang tauwkee poenja satoe langganan jang ia biasa lajanin belandja, jang ia kasihken barang lebih banjak dari pada jang dibeli, boeat kalebihan mana itoe langganan membajar padanja hanja saparo harga. Dengen ini djalan dalem tempo belon anem boelan ia soedah bisa tambah simpenannja sampe berdjoemblah ampat ratoes roepiah lebih, hingga toedjoeannja soedah ampir kasampean.
Aken tetapi satoe kalih ia soedah bisa dapet hat-
29
