PERINGETAN DARI TEMPO DOELOE.
boeat menerangken kenapa ia berangkat dengen begitoe mendadak.
„Di dalem spoor ajahkoe memberi taoe jang Tham Tjay ada satoe lelaki boesoek jang tida berharga boeat djadi akoe poenja soeami,” kata Sian Nio dalem soeratnja itoe. „Ia melariken diri sebab telah bikin banjak roegi pada tauwkeenja dengen djalan menipoe dan mentjoeri, boeat mana sang tauwkee telah mengadoe sama politie. Keliroe sekalih djikaloe akoe mengira iapoenja kasoesahan ada lantaran bikin oetang atawa pindjeman. Ia minta kombali itoe titipan boeat ganti oewang tauwkeenja jang ia tipoe dengen djalan tjoerang soepaja tida diperkarain, tapi maski ajahkoe bantoe omongin, sang tauwkee tida maoe bikin abis itoe oeroesan, hanja lantes bikin pengadoean pada politie hingga, djikaloe Tham Tjay tida lari di itoe malem, nistjaja besoknja ia aken didjebloesken ka dalem pendjara.
„Koetika meliat akoe bersangsi pada ini katerangan, dan menjataken tida pertjaja jang itoe kekasih bisa lakoeken itoe matjem kadjahatan, maka sasampenja di Soekadingin ajahkoe adjak akoe ketemoe pada tauwkeenja Tham Tjay, jang lantes toetoerken satoe per satoe itoe pegawe poenja segala katjoerangan, jang bikin akoe poen toeroet merasa djemoe, dan lantes ambil poetoesan boeat tida berhoeboeng lebih djaoe padanja, apalagi kerna ia masih teroes ditjari oleh politie jang, kapan ketemoe, saban waktoe bisa djebloesin ia ka dalem boewi.
„Hal akoe telah toeroet Tham Tjay minggat ka Bandoeng tjoemah sedikit orang jang taoe kerna ajahkoe, jang hendak mendjaga nama baeknja familie, sabisa-bisa telah resiaken itoe
97
