PERINGETAN DARI TEMPO DOELOE.
hati, koetika akoe sering dikoendjoengin oleh satoe pamoeda jang kaliatan berkalakoean baek, pinter dan radjin bekerdja boeat mentjari penghidoepan, selaloe hidoep himat dan saderhana, sifat-sifat mana bisa memboeka djalan toeat ia dapetken kaberoentoengan di komoedian hari.
„Maski itoe koendjoengan tida laen dari pertemoean biasa jang tida disertaken omongan dan perboeatan bersifat pertjinta'an, tapi tambah lama bikin kita semingkin rapet, dan dengen zonder merasa hatikoe djadi seperti teriket pada Ong Tham Tjay, jaitoe namanja itoe pamoeda. Beberapa kenalan dan tetangga kita jang taoe adanja ini perhoeboengan telah siarin omongan jang kita berdoea 'telah djadi toendangan,' maski sabenernja Tham Tjay belon perna madjoeken lamaran atawa kasih tanda jang ia bakal lekas ambil itoe tindakan. Ia poen perna bilang pada ajahkoe, bahoea ia tida berani beristri dan pikoel tanggoengan boeat memelihara satoe roemah tangga djikaloe belon mempoenjai kapitaal boeat berdagang sendiri, kerna gadjinja, jang toeroet katanja ada ƒ 50 saboelan, ia anggep belon tjoekoep boeat hidoep merdika. Tapi ia lagi berdaja boeat koempoelin oewang dengen djalan berlakoe himat sakeras-kerasnja hingga saban boelan ia bisa simpen kira saparo dari itoe gadji, jang ia titipken pada ajahkoe sampe djoemblahnja tjoekoep boeat menika dan berdagang sendiri, tentang mana ajahkoe poen menjataken setoedjoe dan, maskipoen ia belon kaloearken satoe pata perkata'an boeat meminang akoe djadi istrinja, ajah dan iboekoe pandang Tham Tjay sabagi iapoenja bakal mantoe.
„Kerna itoe oewang masih lama digoenakennja, maka koetika soedah berdjoemblah ampat
95
