— 60 —
merdika dari tinggal dalem astananja di kota Laeken. Dan kaloe penghidoepan di kota kota rameh soeda membikin bosan pada baginda, atjap kali djoega ia pergi ngoembara dengen kapalnja jang bernama „Alberta".
Saban-saban baginda poe'ang dari perîajaran, atawa perdjalanan, sanantiasa ada sadja satoe kaheranan baroe, jang menggeraki hati rahajatnja. Dalem iboe kota, begitoe poen dengen laen-laea kota dalem negrinja, salaloe tida terloepoet dari dajanja baginda, aken mendjadi lebi indah ka'adahannja.
Permeisoeri Maria, jang memangnja ada soeka sekali dengen koeda-koeda, ada kaliatan lebi oppèn pada itoe binatang-binatang, dan apabilah oedara djernih, boleh dibilang pasti, tida ada satoe hari jang pendoedoek kota Brussel, tida dapet meliat djoengdjoengannja berdjalan-djalan dengen kandaran ka sana-sini.
Koetika itoe poetri Stephanie soeda beroesia lima belas tahon. Boeat satoe anak radja, dalem oemoer sabegitoe, saban waktoe bisa kadjadian, nanti ada poetra dari laen-laen negri dateng meminang. Lantaran itoe poen permeisoeri sanantiasa ber-
