-416-
hoekoem telah toelis itoe soerat perdamian jang berboenji manis.
Samantara itoe advocaat-advocaat tida bisa memboekah soeara lagi. Iaorang bernapas sedikit, sasoeda bikin pembitjarahan begitoe pandjang lebar.
Soedara jang paling moeda, Prinses Clémentine, tida maoe madjoeken dakwahan. Atas ia poenja sapoetangan, perabot berias dan pakean boedjang-boedjang, ia telah toekar itoe makota Singa Vlaanderen dengen Radjawah Keizer, dan dengen broentoeng ia hidoep bersama soeaminja, saorang kaoem Bonaparte, Prins Victor Napoleon, seraja impikèn kadoedoekan keizer dari salah satoe negri. Poetri itoe barangkali soeda merasa senang dengen kadoedoekan radja di Albanie.
Malaenkan Prinses Louise tinggal tida maoe kenal perdamian seperti biasa, dan kendati doeloe ia soeda tida diperdoeliken oleh Prinses Stephanie, sekarang doewa soedara itoe soeda mendjadi akoer dan rapet kombali.
Poetri soeloeng itoe merasa tida senang dengen bagiannja dari itoe 36 millioen, dan tinggal meminta 54
