— 379 —
saka ajahnja, dan itoe ratoesan millioen, jang ia dapet oentoeng dari Congo dan laen-laen peroesahan?
Atas ini pertanjahan Barones de Vaughan misti bisa kasi djawaban, demikianlah Prinses Louise rasa.
„Apa kaoe tinggal di sini sampe samoea oeroesan djadi beres?” tanja toewan advocaat, jang dapet oetoesan dari poetri.
„Tida,” djawab Louise, „akoe tinggal di sini tjoema boeat sabentaran sadja. Tida ada soeatoe apa jang sangkoeti hatikoe di ini tempat. Sama soedarakoe Stephanie akoe tida begitoe baek. Ia ada lebi bisa atoer penghidoepan dari akoe: sama Weenen dan Brussel ia tinggal djadi sobat baek. Akoe pertjajaken sadja samoea oeroesan atas dirimoe. Kaoe toch tentoe nanti berlakoe sabisa-bisa, boeat tjegah soepaja perkara tida halal, tida berlakoe dengen laloewasa. Baginda tida nanti menghalangi kaoe poenja kerdjahan. Ia ada berhati toeloes, itoe akoe soeda saksiken sendiri, dan salaen itoe, ia ada merasa kasian padakoe.”
⁂
Oedara ada mendoeng dan hawanja amat dingin. Angin ada menioep kentjeng sekali.
