— 315 —
dateng mengoendjoengi ia poenja djantoeag hati. Ia adjak barones berdjalan-djalan di taman, jang ada berwatasan dengen astananja sendiri. Sri Maha Radja ada sanget berdoeka dan amat oga-ogahan mengomong. Meliat begitoe, „si djiwakoe” djadi merasa tjoeriga, dan menanja dengen soeara ratap seperti anak ketjil jang aleman:
„Kaoe mengapa, toewankoe? Tida sari-sarinja kaoe begltoe pendiam. Apa barang kali akoe ada berboeat soeatoe kasalahan, jang membikin kaoe poenja hati djadi koe rang senang?”
„Akoe ampir tertawa atas kaoe poenja pertanjahan, Caroline!” saoet baginda sambil mengeiah napas.
„Mengapa begitoe, toewankoe! Hajo, lekaslah bilang apa jang telah membikin kuoe begitoe koerang senang hati! Akoe merasa leher seperti tertjekek, menoenggoeken kaoe poenja poetoesan. Kaloe kasalahankoe tida terlaloe besar, djika dosakoe masi boleh dibri ampoen, dengen sigra akoe nanti maoe berdaja boeat bikin kaoe djadi senang kombali. Tapi lekaslah Djataken!”
Baginda mengelah napas, kamoedian berkata dengen soeara ampir tida kadengeran:
