— 299 —
„Tjeritaken teroes!” kata Sri Maha Radja sambil bersenjoem.
„Lebi doeloe berdjandjilah, toewankoe, jang kaoe nanti toeroet sabagimana akoe poenja permintahan.”
„Ah, anak, lagi-lagi kaoe maoe akoe berlakoe edan! Bagimana orang bisa toeroet apa-apa, sabelon ia denger lebi doeloe bagi mana adanja perkara?”
„Kanapa tida, toewankoe, kaloe memang betoel kaoe ada pertjaja padakoe? Kaoe toch taoe jang akoe tida nanti bermoehoen perkara jang moestahil!”
„Tida, anak manis, permintahan begitoe matjem akoe tida bisa loeloesken. Lebi doeloe akoe misti taoe . . . . .”
Itoe sa'at djoega Caroline lantas tarik tangannja jang dipegang oleh baginda, dan berbangkit dari krosi. Dengen moeka bersengoet seperti lakoenja anak-anak jang tida dapet kainginan, ia pergi berdiri dihadepan djendela, dan ketok-ketok dengen djarinja Pada katja sab agi maoe meniroe satoe lagoe.
Tida antara lama Sri Maha Radja poen bangoen dari tempatnja berdoedoek, dan samperi berdiri dekat si djantoeng hati, Sembari melajangken tangannja ka poendak orang.
