— 290 —
mengarti akoe poenja bitjara! Tegesnja akoe maoe bilang, satoe nona toeroenan ketjil seperti kaoe poenja soedara, misti djangan harep mendjambret langit: klakoean begitoe biasanja, digandjarkefi dengen penjesalan jang dibawah mati. Akoe ada poenja boekti-boekti atas apa jang akoe kata! Akoe misti bitjara padanja, dan kaoe misti menoeloeng padakoe dalem ini perkara. Akoe soeda bebrapa kali pergi ka hotel, dimana ia ada tinggal, tapi akoe disoeroe laloe seperti ada djadi pengemis. Akoe mengarti, orang soeda timbang, itoe ada daja jang paling baek aken berlakoe padakoe!”
Marie Delacroix doedoek berpeloek tangan.
„Akoe ampir tida bisa pertjaja ada klakoean demikian!” kata ia kamoedian.
„Tapi toch benar ada begitoe roepa!”
„Kaloe kaoe pastiken begitoe, akoe poen maoe pertjaja. Esok sadja kaoe dateng lagi dalem waktoe begini, akoe nanti berlakoe sabisa-bisa, soepaja ia djoega ada di sini.”
„Trima kasi!” kata Lucien seperti saparoh maoe bersoerak. „Kaoe ada djadi ia poenja soedara, hingga tentoe djoega ia
