— 274 —
„Kaloe kita balik bersama-sama, dan kaoe bilang, jang kaoe tida maoe berkerdja lagi, bagimana?"
„Habis?"
„Soeda tentoe kaoe djadi ada poenja tempo tjoekoep, aken tjeritaken dengen senang padakoe, satoe-satoe kaoe poenja ka'adaban."
Cariline melirik ia poenja toewan penoeloeng. Dibandingken dengen dirinja, boleh dibilang baginda ada kaliwat toewa, tapi pada perkatahan-perkatahannja, masi sadja katinggalan tingka bitjaranja satoe anak moeda, dan salagi beromong-omong pada si nona, matanja Leopold ada menjimpan apa-apa, jang menerbitken „si djantoeng hati" poenja kapertjajahan.
Tapi sekalipoen begitoe „si djiwakoe" ada taoe betoel, apa nanti djadi kasoedahannja, bilah toeroet berlakoe sabagiraana baginda poenja bitjara. Matjem-matjem pikiran lantas menjoesoen tindi dalem hatinja. Apa baek ia menoeroet sadja? Kerna kaloe la menampik, boleh djadi si toewan penoeloeng tida nanti dateng mengoendjoengi lagi, dan waktoe baek aken ber-kenalan pada orang berderadjat tinggi, barangkali djoega nanti tida dateng poelah dalem saoemoer hidoepnja. Tapi sabalik-
