— 272 —
jang meliati iaorang dengen heran, sembari bitjara satoe pada laen.
„Akoe katakoetan satengah mati!" kata poeiah si nona, sasoeda berdjalan sedikit. „Dan sekarang akoe poenja nasib soesa diperbaeki lagi! Kaoe barangkali tida kenal kabiasahannja itoe orang, toe wan! Ia salaloe sediah korbanken dji wan ja boeat dapet membales sakit!"
„Biar bagimana djoega, ini malem toch ia tida nanti bisa ganggoe lagi pada kitaorang. Sekarang, biarlah kaoe tjeritaken sadja padakoe dengen senang, bagimana adanja kaoe poenja pergaoelan pada itoe djedjaka. Bilanglah, apatah masi boleh mendjadi, aken kaoe poetoesken sa'antero perhoeboenganmoe padanja?"
„Memang djoega akoe ingin sekali berboeat begitoe, tapi akoe tida ada kabrani-han memboeka djalan."
„Kaloe akoe menoeloeng padamoe? Apa kaoe nanti tinggal takoet djoega seperti sekarang?"
„Kaoe maoe menoeloeng padakoe dalem ini perkara?"
„Ja, akoe ingin bisa berboeat begitoe. Dan sabenarnja djoega, apa jang nanti mendjadi salah, djika orang berboeat baek
