— 253 —
satoe tempat tedoeh, dimana laloewasa sekali kita boleh minoem anggoer, kerna leherkoe rasanja kering, sabagi telah tahonan tida kenah aer."
„Tempat begitoe, di sini ada sampe tjoekoep, tapi kita misti djangan berboeat seperti laen-laen orang, jang lantaran berdiam di soeatoe tempat terlaloe lama, hingga tida ada tempo, meliat laen-laen kabagoesan di ini tentoonstelling."
„Itoe betoel! Dan akoe ada dapet denger djoega, jang di ini tentoonstelling bagian Hongarije poenja ka'adahan, ada banjak pengliatan bagoes," kata poelah prins. „Dari itoe, djika akoe berlambat-lambatan dengen meliat bagian ka'adahan Japan, boleh djadi akoe nanti tida dapet tempo tjoekoep, boeat saksiken itoe kaindahan kota Buda-Pest."
„Memang."
„Aken tetapi, papa, sekali poen akoe misti katinggalan boeat meliat itoe kabagoesan, tida loepoet ka'adahan kita seperti sekarang, bergaoelan pada orang banjak dengen sänget laloewasa, troesa goenaken adat-istiadat, troesa goenaken oepatjara, hanja boleh berboeat sadja seperti laenlaen orang, begitoe merdikah, boleh me-
