— 66 —
itoelah ada boeat dapetken pahala dan kamoeliahan, jang sabetoelnja tida bedah sabagi djalannja asep? Boekantah orang sering kata: Kaloe boeroeng soeda abis, haroeslah lekas simpen boesoer, sabagimana telah kadjadian Hoan Lie mengoembara ka Ngo Oüw dan Thio Liang jang begitoe pande dan mempoenjai kapinteran loear biasa, tida soedi pegang pangkat lebi lama dan lantas linjapken diri di Tjeksiong?"
„Mengapatah akoe tida maoe toeroet itoe orang orang poenja perdjalanan ?“ kata poela ia: „ajahboenda dan anak-istri, itoelah tida lebi sabagi tali rintangan pada diri, hingga ada sangkoetan apatah kaloe akoe tinggalken sadja ? Inilah jang dibilang pokohnja Enghiong, berpaling oendoerken diri.”"
Sahabisnja berpikir dan berkata-kata, ia bengong sakoetika lama, dan sekarang ia memikiri: kaloe maoe pergi, pergi ka mana?
Achirnja ia dapet satoe pikiran, jaitoe meliwatken Koanliap teroes ka Lang, dari mana bisa pergi ka goenoeng Gobisan, itoelah ada satoe tempat soetji, jang ia boleh asingken diri.
Tiauw Peng-tiong ini ada poetranja Hiehoo Soanboe Tiauw Kouw, saorang gaga perkasa. Tenaganja amat besar, hatinja djoedjcer dan sajang pada rahajat negri. Toenggangannja ada satoe koelman jang berboeloe idjo.
