— 64 —
ti lari djoega, kerna balatentaranja banjak jang binasa.
Sasoedanja berlari djaoe, baroe ia dapet kanjatahan jang sakalian panglimanja pada binasa dan tinggal dirinja sendiri bersama binatang toenggangan, jang terloepoet dari kamatian.
Dengen hati amat Kesel Tiauw Peng-tiong berdjalan dengen pelahan, tida taoe ka tempat mana jang ditoedjoe. Sambil berdongak ka atas langit ia berkata sendiri-diri sambil mengelah napas:
„Ja, Allah, apatah djajanja karadjahan Thay-songtiauw soeda maoe linjap, hingga akoe jang atoer ini tipoe, sampe kena ditipoe kombali oleh moesoe? Kaloe diliat bagimana gelagatnja, soenggoe kota Piankeng soeke boeat dilindoengken lebi lama?“
Kamoedian ia toendoeki kapala sambil berpikir.
Di sitoe ia inget, jang Keizer ada teramat lemah, sedeng ministernja ada berhaloean begitoe aneh, seperti djoega ada trima soewapan dari moesoe. Sebab kaloe tida, moestail amat saban-saban Lie Pang-gian poenja voorstel jang dimadjoeken pada baginda, ampir boleh dikata ada boeat kaoentoengannja orang Kim sadja.
Katjoeali Lie Kong jang satia, jang maoe pikirin dengen soenggoe hati keadahan negri dan
