— 61 —
baek siang-siang kita kaloear perang, soepaja tida membikin baginda dan rahajat djadi ilang harepan.“
Tjiong Soe-touw lida menjaoet, itoe perkatahan tida maoe didenger, hingga Tiauw Peng- tiong lantas berlaloe ka tempat sendiri dengen pikiran koerang senang.
Sasampenja di tendanja, ini panglima laloe koempoelken sakalian panglima-panglima jang ada di bawah prentanja, pada siapa ia berkata dengen bernapsoe:
„Njatalah tida sala, kaloe orang kata Tjiong Soe-touw ada satoe panglima toea jang tida bergoena Tjobalah kaoe sakalian liat, bagimana sampe sekarang ia masi maoe tinggal enak-enakan sadja, sedeng dirinja ada pegang kakoeasahan besar dari antero pasoekan dan balatentara.“
„Dengen perboeatannja jang begitoe ajal- ajalan,“ kata poela Tiauw Peng-tiong: „itoe toea banhka bikin katj wa kita poenja angkatan perang, hingga tentoe bakal dikatawain moesoe. Menoeroe akoe poenja pikirian sakarang orang-orang Kim lagi sedeng mabok sama kamenangan dan salaloe berkalakoean sombong, kerna kita di ini kota tida ada panglima jang gaga boeat lawan padanja, hingga moesoe tida atoer pendjagaha sabagimana moestinja.“
„Maka apa kaoe moefakat ?“ tanja poela i
