— 59 —
jang ini prenta ada amat penting? Mengapa kaoe berlakoe ajal-ajalan?“
„Boenoe sadja orang jang begitoe dan rampas firmannja, dimana kita-orang sendiri jang nanti sampeken pada Lie Kong!“ berseroeh jang laen.
Dalem saät itoe orang pada menggeroemoetan redjang itoe Thaykam, dan sigra djoega ini orang kebiri diboenoe, sedeng pendjaga kraton jang maoe menoeloengi, djoega telah djadi korbannja orang banjak poenja napsoe amara, hingga sabentaran sadja di dalem kraton ada kaliatan bebrapa mait jang malang melintang.
Baginda Kun-tjong jang denger itoe kabar, djadi amat kaget dan katakoetan. Ini Keizer laloe prenta orang oendang Tjiong Soe-touw boeat pademken itoe itoe peroesoehan. Itoe panglima toea jang dipanggil laloe dateng tida lama kamoedian.
Itoe peroesoehan tida oesah sampe dioesir, satelah meliat Tjiong Soe-touw dateng, marika laloe bersoerak rame-rame:
„Hidoeplah kita-orang poenja Sangkong Lo Tjiong, —— Songtiauw Banswe! Banbanswe!“
Sahabisnja bersoerak anak negri itoe pada boebar.
Di dalem kraton soeda tida ada roesoe, maka Lie Kong jang telah diangkat kombali dalem itoe djabatan, lantas berempoek pada Tjiong
