— 46 —
han jang begini roepa," kata poela Ong Hoe dengen soeara sedikit keras, lantaran bekerdjanja arak di otaknja: "maski bagimana djoega haroes kita berdaja, soepaja tida salama-lamanja tinggal begini roepa. Kita haroes kaloearken antero kapandean boeat mereboet kombali apa jang telah ilang."
"Tapi, apatah itoe waktoe jang liwat, nanti bisa dateng kombali pa..... ” kata Jo Tjian, dan sabelonnja perkatahan itoe dioetjapken abis, lantas terdenger soeara menggedoebrak begitoe keras, hingga membikin kaget itoe tiga orang jang lagi minoem.
Nio Soe-seng bertreak, waktoe liat djendela jang tadinja tertoetoep djadi terpentang, dari mana kaliatan saorang tinggi besar jang bergegaman golok pandjang, dateng masoek dari itoe djendela.
Ong Hoe dan Jo Tjian djadi kasima. Sabelonnja bisa menanja atawa bertreak, itoe orang dateng menghamperi dan dengen goloknja ia sabet kapalanja Ong Hoe, Jo Tjian dan Nio Soe-seng, satoe persatoe, hingga roeboe mengaloearken dara.
Itoe orang lantas koetoengken kapalanja katiga dorna, kamoedian lompat kombali ka atas djendela dari mana baroesan ia masoek.
Sekarang di itoe tempat djadi soenji, sedeng
