— 369 —
berpikir dan beringet-inget. Achirnja ia dapet inget siapa adanja ini orang.
„Hm, hm!,........ ” kata si pengikoet sambil berlaloe dengen pelahan, kerna itoe waktoe Tjoa leng poen telah masoek ka dalem koelamboe dan telah letaken kapalanja di atas bantal.
Itoe pengikoet, jang kira dia itoe diseboet Oan Swie Todjin, laloe berkata dalem hati sendiri sambil berdjalan dengen tjepet:
„Oh, kaloe begitoe itoe Tjoa leng telah pake nama Oan Swie Todjin ?. hahaha, baeklah akoe dapet pikiran boeat mengintip, hingga dengen tida didoega, akoe djadi bisa dapet taoe satoe rasia besar.”
Tida lama kamoedian, ia telah sampe di kamar tempatnja Kwe Keng dan ia mengadep pada Tong Koan poenja oetoesan dengen napas tersengal- sengal, hingga pembesar itoe djadi heran dan berkata: „He, mengapa roepamoe begitoe?”
„Oh, oh. . . . . . . . . . Loya. . . . . . . . . .”
„Bitjara sedikit pelahan. Troesa djadi begitoe bingoeng dan goegoep. Ada kabar apatah ?”
„Ada satoe rasia, Loya. —Ada satoe rasia!”
„Bitjara biar betoel!”
Itoe pengikoet berdiam. Ia menengok ka sana ini, seperti takoet orang denger bitjaranja. Sasoeda menetepken hati sendiri jang bergontjang,dengen soeara pelahan ia lantas tjeritaken, bagi- mana tadi, lantaran merasa amat katarik denger
